கொரோனா தடுப்பு நடவடிக்கையில் இந்தியாவிற்கே வழிகாட்டி மாநிலமாக தமிழகத்தை உருவாக்கிய முதல்வர் மற்றும் துணை முதல்வருக்கு நன்றி : மதுரை புறநகர் கிழக்கு மாவட்ட கழகம் சார்பில் தீர்மானம்

மதுரை : கொரோனா தடுப்பு நடவடிக்கையில் இந்தியாவிற்கே வழிகாட்டி மாநிலமாக தமிழகத்தை உருவாக்கிய முதலமைச்சருக்கும் மற்றும் துணை முதலமைச்சருக்கும் நன்றி தெரிவித்து மதுரை புறநகர் கிழக்கு மாவட்ட கழகம் சார்பில் தீர்மானம் நிறைவேற்றப்பட்டது.

மதுரை புறநகர் கிழக்கு மாவட்ட  அ.தி.மு.க. சார்பில் நிர்வாகிகள் கூட்டம் சமூக இடைவெளிவிட்டு நடைபெற்றது. இந்த கூட்டத்திற்கு மாவட்டக் கழக அவைத் தலைவர் எஸ் .என்.ராஜேந்திரன் தலைமை வகித்தார். இதற்கு மதுரை புறநகர் கிழக்கு மாவட்ட அ.தி.மு.க.செயலாளரும் மதுரை வடக்கு சட்டமன்ற உறுப்பினர் வி.வி.ராஜன் செல்லப்பா முன்னிலையில் கீழ்க்கண்ட தீர்மானங்கள் நிறைவேற்றப்பட்டன.

மக்களால் நான், மக்களுக்காகவே நான் என்று, மக்களுக்காக தன் இறுதி மூச்சு வரை வாழ்ந்த, தமிழர் குலசாமி, அம்மா, தொடர் வெற்றியை பெற்று ஆட்சி அமைத்த வரலாற்று சிறப்புமிக்க பொன்னான நன்னாளில் நான்காண்டு நிறைவுற்று ஐந்தாம் ஆண்டு தொடங்குகிற நன்னாளில்.அம்மா, வரலாற்று சிறப்புமிக்க சட்டப்பேரவையில் இந்த இயக்கம் இன்னும் 100 ஆண்டுகள் மக்கள் பணியாற்ற வேண்டும் என்று தனது லட்சியத்தை முழக்கமிட்டார்.

அம்மாவின் தீர்க்கதரிசனத்துடன், முழக்கமுட்ட அந்த வார்த்தைகளை தங்களின் வேத வாக்காக எண்ணி, அம்மாவின் பாத தடத்தில் அடிபிறழாமல், உலக நாடுகளே பின்பற்றும் வகையில் ஒரு சத்தம் இல்லாமல் சரித்திரம் போற்றும் சாதனை மிகுந்த ஆட்சியை, தமிழகத்தில் இரும்பு தேசத்தின் கரும்பு மனிதர், கழக இணைச் ஒருங்கிணைப்பாளர், முதலமைச்சர் அண்ணன் எடப்பாடியார் சிறப்பாகநடத்திவருகிறார், அவருக்கு உறுதுணையாக பாண்டிநாட்டு பண்பாளர், கழக ஒருங்கிணைப்பாளர், துணை முதலமைச்சர் அண்ணன் ஓ.பி.எஸ்.அவர்கள் இருக்கிறார் என்பதை எட்டரை கோடி மக்களும் நன்கு அறிந்து அம்மாவின் அரசைப் பாராட்டி வருகின்றனர்.

உலக நாடுகளை அச்சுறுத்தும் இந்த கொரோனா வைரஸ் நோயிலிருந்து, மக்களைக் காக்க இரவு,பகல் பாராது அயராது மக்கள் பணியாற்றி, இதன் மூலம் தமிழக மக்களை காத்து இந்தியாவிலுள்ள பிற மாநிலங்களுக்கு எடுத்துக்காட்டாய் தமிழகம் திகழ்கின்ற என்ற மத்திய அரசின் பாராட்டைப் பெற்று வரும் வேளையில் இந்த ஐந்தாம் ஆண்டு தொடக்கும் நன்னாளில், வருகின்ற 2021 சட்டமன்ற தேர்தலில், கழகத்திற்கு மாபெரும் வெற்றி வாகை சூட, கழக அரசின் சாதனைகளை மக்களுக்கு எடுத்துரைத்து, எதிர்க்கட்சிகள் போட்டியிட்ட அனைத்து இடங்களிலும் டெபாசிட் இழக்கச் செய்து, தொடர்ந்து அம்மாவின் அரசு மூன்றாம் முறையாக ஆட்சி அமைத்தது என்ற, கழகத்திற்கு அழியாப் புகழை முதலமைச்சர் மற்றும் துணை முதலமைச்சர் ஆகியோரிடம் சமர்ப்பிக்கும் வரை, இரவு ,பகல் பாராது அயராது களப்பணி ஆற்றுவோம் என்று மதுரை புறநகர் கிழக்கு மாவட்ட கழகம் இன் நன்னாளில் சூளுரை ஏற்கிறது. இவ்வாறு மேற்கண்ட தீர்மானங்கள் நிறைவேற்றப்பட்டன.

இந்த கூட்டத்தில் மேலூர் சட்டமன்ற உறுப்பினர் பெரிய புள்ளான் என்ற செல்வம்,  மாவட்ட இளைஞரணி செயலாளர் வக்கீல் ரமேஷ், ஒன்றிய கழக செயலாளர் நிலையூர் முருகன், தக்கார் பாண்டி ,பொன்னுச்சாமி ,வெற்றி செழியன் ,பகுதி கழக செயலாளர்கள் ஜீவானந்தம் ,பன்னீர்செல்வம், முருகன், மாவட்ட மன்ற செயலாளர் ஓம்.கே.சந்திரன், நகர செயலாளர் பாஸ்கரன், மாவட்ட மகளிர் அணிச் செயலாளர் சண்முகப்பிரியா, மற்றும் முன்னாள் கவுன்சிலர் புதூர் அபுதாகீர், கே.கே.நகர் ஆர்.மணி, உத்தங்குடி மகேஷ்,பனங்காடி வாசு, உசிலை எம்.பி. முத்துகிருஷ்ணன் உட்பட பலர் கலந்து கொண்டனர்.