சென்னை : தமிழகத்தில் மேலும் 3756 பேருக்கு கொரோனா தொற்று உறுதி செய்யப்பட்ட நிலையில் பாதித்தவர்கள் எண்ணிக்கை 1,22,350-ஆக உயர்ந்துள்ளதாக என சுகாதாரத்துறை தெரிவித்துள்ளது.
இந்தியாவில் கொரோனாவால் பாதிக்கப்பட்டவர்களின் எண்ணிக்கை 7,19,665-லிருந்து 7,42,417-ஆக உயர்ந்துள்ளது என மத்திய சுகாதாரத்துறை அமைச்சகம் தெரிவித்துள்ளது. இந்நிலையில் புதிதாக 3756 பேர் கொரோனாவால் பாதிக்கப்பட்டுள்ளனர் என தமிழக சுகாதாரத்துறை தெரிவித்துள்ளது. இது தொடர்பாக சுகாதார துறை தெரிவித்துள்ளதாவது,
தமிழகத்தில் கொரோனாவில் இருந்து இதுவரை 74,167 பேர் குணமடைந்து டிஸ்சார்ஜ் செய்யப்பட்டு வீடு திரும்பியுள்ளனர். தமிழகத்தில் கொரோனாவால் பாதிக்கப்பட்டு குணமடைந்த 3,051 பேர் நேற்று டிஸ்சார்ஜ் செய்யப்பட்டுள்ளனர். தமிழகத்தில் கொரோனாவால் நேற்று மேலும் 64 பேர் உயிரிழந்துள்ளனர். இதனால் பலி எண்ணிக்கை 1700- ஆக உயர்ந்துள்ளது.
சென்னையில் நேற்று ஒரே நாளில் 1,261 பேர் கொரோனானால் பாதிக்கப்பட்டுள்ளனர். சென்னையில் மொத்தம் 72,500 பேர் பாதிக்கப்பட்டுள்ளனர். இந்தியாவிலேயே அதிகபட்சமாக தமிழகத்தில் மொத்தம் 98 மையங்களில் கொரோனா பரிசோதனை செய்யப்பட்டுள்ளது. தற்போது 46,480 பேர் சிகிச்சை பெற்று வருகின்றனர். தமிழகத்தில் இதுவரை 14,49,414 பேருக்கு கொரோனா பரிசோதனை செய்யப்பட்டுள்ளது.
பிற மாநிலங்களில் இருந்து தமிழகத்திற்கு வந்த 35 பேருக்கு கொரோனா பாதிப்பு உறுதி செய்யப்பட்டுள்ளது. தமிழகத்தில் கொரோனா தொற்று பாதிக்கப்பட்டு குணமடைந்து வருபவர்களின் விகிதம் 60.61 சதவீதமாக உள்ளது. அனைத்து மாவட்டங்களிலும் பரிசோதனை அதிகமாக மேற்கொள்ளப்பட்டு வருகிறது.
தமிழகத்தில் கடந்த 24 மணி நேரத்தில் 35,979 பேரின் சளி மாதிரிகள் பரிசோதித்ததில் 3756 பேருக்கு தொற்று உறுதியானது. இதுவரை தமிழகத்தில் கொரோனா பாதிக்கப்பட்டவர்களில் 74,842 ஆண்கள், 47,489 பெண்கள், 22 திருநங்கைக்கு தொற்று உறுதி செய்யப்பட்டுள்ளது. இவ்வாறு சுகாதார துறை தெரிவித்துள்ளது.
