வாஷிங்டன் : கொரோனா மத்தியில் சூரிய சக்தி பயன்பாடு பிரபலமடைந்துள்ளன இதற்கு இந்தியா ஒரு நல்ல எடுத்துக்காட்டு என ஐ.நா பொதுச்செயலாளர் கூறி உள்ளார்
சர்வதேச எரிசக்தி முகமையின் தூய்மையான எரிசக்தி மாற்ற உச்சிமாநாட்டில் பேசிய ஐ.நா. பொதுச்செயலாளர் அந்தோணியோ குத்ரெஸ் கூறியதாவது:-
சர்வதேச சமூகத்தை நிலக்கரியை மேலும் பயன்படுத்துவதை குறைப்பதில் ஈடுபட வேண்டும் என்றும் வளரும் நாடுகளில் நிலக்கரிக்கு அனைத்து வெளிப்புற நிதியுதவிகளையும் முடிவுக்குக் கொண்டு வர வேண்டும். கொரோனா மீட்புத் திட்டங்களில் நிலக்கரிக்கு இடமில்லை. 2050-க்குள் நாடுகள் நிகர பூஜ்ய உமிழ்வுகளுக்கு உறுதியளிக்க வேண்டும்,
மேலும் அடுத்த ஆண்டு கோப்-26க்கு முன்னர் அதிக லட்சிய தேசிய காலநிலை திட்டங்களை சமர்ப்பிக்க வேண்டும். மாற்றத்திற்கான விதைகள் உள்ளன. புதுப்பிக்கத்தக்க ஆற்றல் மட்டுமே 2020-ம் ஆண்டில் வளரும் என்று எதிர்பார்க்கப்படுகிறது. தொற்றுநோயின் உயரத்திற்கு மத்தியில் சூரிய சக்தி பயன்பாடு பிரபலமடைந்துள்ளன.
இதற்கு இந்தியா ஒரு சிறந்த எடுத்துக்காட்டு. புதைபடிவ எரிபொருளை விட புதுப்பிக்கத்தக்கவை. இவை மூன்று மடங்கு அதிக வேலைகளை வழங்குகின்றன என கூறினார்.
