முக்கிய செய்திகள்
Idhayam Matrimony

ரஷ்ய தமிழ் அறிஞர் மறைவு: முதல்வர் எடப்பாடி இரங்கல்

வெள்ளிக்கிழமை, 20 நவம்பர் 2020      தமிழகம்
Image Unavailable

Source: provided

சென்னை : ரஷ்ய தமிழ் அறிஞர் அலெக்சாண்டர் மிகைலோவிச் துப்யான்ஸ்கி  மறைவுக்கு முதல்வர் எடப்பாடி பழனிசாமி இரங்கல் தெரிவித்துள்ளார். 

இது குறித்து முதல்வர் எடப்பாடி பழனிசாமி விடுத்துள்ள இரங்கல் செய்தியில் கூறப்பட்டிருப்பதாவது, 

ரஷ்ய நாட்டைச் சேர்ந்த தமிழ் அறிஞரும், மாஸ்கோ பல்கலைக்கழகத்தில் உள்ள ஆசிய ஆப்பிரிக்கவியல் துறையில் பேராசிரியருமான அலெக்சாண்டர் மிகைலோவிச் துப்யான்ஸ்கி  18.11.2020 அன்று காலமானார் என்ற செய்தியை அறிந்து நான் வேதனை அடைந்தேன்.  அலெக்சாண்டர் மிகைலோவிச் துப்யான்ஸ்கி,  தமிழிலுள்ள அகத்துறைப் பாடல்களைப் பற்றி ஆய்வு செய்தவர். இவர் இதுவரை பத்துக்கும் மேற்பட்ட முறை தமிழ்நாட்டிற்கு வந்துள்ளார் என்பது குறிப்பிடத்தக்கது.

இவர் தமிழ்நாட்டு பயணத்தின் போது, தன் மாணாக்கர்களையும் அழைத்து வந்து தமிழ் மொழி, இனம் பற்றி அறிய வைத்த பெருமைக்குரியவர்.  அலெக்சாண்டர் மிகைலோவிச் துப்யான்ஸ்கி,  உலகின் பழமையான மொழிகளுள் தமிழ்  முதன்மையானது என்பதில் உறுதி கொண்டவர். தமிழ் மொழின் மீது பற்றும், பாசமும் கொண்டு, பல  நாடுகளில் நடக்கும் கருத்தரங்குகளில் தமிழ் மொழியின் பெருமையை உலகறியச் செய்தவர். தமிழ் மொழியில் நன்கு உரையாற்றும் வல்லமை கொண்டவர். 

அலெக்சாண்டர் மிகைலோவிச் துப்யான்ஸ்கியை மையமாகக் கொண்டே ரஷ்யாவில் தமிழ் ஆய்வுகள் நடைபெற்று வந்துள்ளது. ஆண்டுக்கு ஒருமுறை சங்கப் பாடல்கள் குறித்த வாசிப்புப் பட்டறையை நடத்தி ரஷ்ய நாட்டில் தமிழ் ஆர்வம்  குறையாமல் பார்த்துக் கொண்டவர்.  யாதானும் நாடாமால் ஊராமால் என்னொருவன்    சாந்துணையும் கல்லாத வாறு என்ற வள்ளுவரின் கூற்றுப்படி அலெக்சாண்டர் மிகைலோவிச் துப்யான்ஸ்கி வாழ்ந்தவர்.  

அலெக்சாண்டர் மிகைலோவிச் துப்யான்ஸ்கியின்  மறைவு அவர்தம் குடும்பத்தினருக்கும், தமிழ் அறிஞர்களுக்கும்,  தமிழ்நாட்டிற்கும் பேரிழப்பாகும். அன்னாரை இழந்து வாடும் அவரது குடும்பத்தினருக்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்வதுடன், அன்னாரது ஆன்மா இறைவன் திருவடி நிழலில் இளைப்பாற எல்லாம் வல்ல இறைவனை பிரார்த்திக்கிறேன். இவ்வாறு அதில் முதல்வர் எடப்பாடி பழனிசாமி தெரிவித்துள்ளார். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 5 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 5 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 6 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 6 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 8 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 8 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.