ஆஹா ஓடிடிக்கு முதல்வர் வாழ்த்து

சினிமா, வெப் சீரிஸ்கள், தொடர்கள் உள்ளிட்ட பல்வேறு நிகழ்ச்சிகளை வழங்கி வரும் ஆஹா ஓடிடி தளம் தென்னிந்தியாவில் அதிவேக வளர்ச்சி அடைந்து வருகிறது. இந்த ஆஹா ஓடிடி தளம் தற்போது நூறு சதவீத பொழுதுபோக்கை வழங்க தயாராகி வருகிறது. சமீப‍த்தில், ஆஹா நிறுவனர்கள் திரு அல்லு அரவிந்த் மற்றும் ஜூபல்லி ராமு ராவ், இருவரும் தமிழக முதல்வர் மு.க.ஸ்டாலின் அவர்களை சந்தித்து, தமிழ்ப் புத்தாண்டை ஒட்டி நடைபெறவிருக்கும் ஆஹா தமிழ் ஓடிடி தளத்தின் மாபெரும் துவக்க விழாவில் கலந்து கொள்ள அழைப்பு விடுத்தனர். அப்போது இந்த ஆஹாவின் புதிய துவக்க நிகழ்வுகளைக் கேட்டு மகிழ்ந்து, ஆஹா ஓடிடிக்கு வாழ்த்து தெரிவித்தார் முதல்வர். ஆஹா தமிழ் ஓடிடி  வருகையால் தமிழ் பொழுதுபோக்கு உலகம் இப்போது இன்னும் பெரிதாகி வருகிறது.