வாழ்க்கை விசித்திரமானது பாடகர் உன்னிகிருஷ்ணன்

யோகேஸ்வரன் பாடி நடித்துள்ள ஹே சகோ  என்ற இசை ஆல்பத்தின் வெளியீட்டு விழா  பிரசாத் லேப் சமீபத்தில் நடைபெற்றது. இயக்குநர்கள் பேரரசு, ராஜுமுருகன், தயாரிப்பாளர் கே.ராஜன், பின்னணிப் பாடகர் உன்னி கிருஷ்ணன் ஆகியோர் ஆல்பத்தை வெளியிட படக்குழுவினர் பெற்றுக் கொண்டனர். இந்த ஆல்பத்தை  ரகுராமன், சங்கீதா தயாரித்துள்ளார்கள். பாடலை எழுதி இசை அமைத்து இயக்கியுள்ளார் ஜெய் கிருஷ் கதிர். விழாவில் பிரபல பின்னணிப் பாடகர் உன்னிகிருஷ்ணன் பேசும்போது, வாழ்க்கை விசித்திரமானது. பல ஏற்றங்களையும் தாழ்வுகளையும்  கொடுக்கக்கூடியது. நமது தாழ்வான நேரங்களில்   யாராவது  நம்பிக்கை வார்த்தைகள் சொல்வதற்கு என்று இருக்க வேண்டும். அப்படி ஒரு நம்பிக்கை தரும் பாடலாக இதை நான் பார்க்கிறேன்.  வளரும் திறமைசாலிகளுக்கு நல்ல வாழ்த்தும் ஆசிர்வாதமும் தேவை .நாங்கள் அதைக் கொடுப்பதற்காகத் தான் இங்கே வந்திருக்கிறோம் என்றார்.