வாஷிங்டன் : ஹிஜாப் அணிய மறுத்ததால் அமெரிக்க பெண் செய்தியாளருக்கு பேட்டியளிக்க ஈரான் அதிபர் மறுத்த சம்பவம் பெரும் பரபரப்பை ஏற்படுத்தி உள்ளது. 

ஐ.நா. பொதுக்குழு கூட்டத்தில் பங்கேற்பதற்காக ஈரான் அதிபர் இப்ராகிம் ரைசி அமெரிக்கா சென்றுள்ளார். அங்கு அவரிடம் அமெரிக்காவின் பிரபல சி.என்.என். செய்தி நிறுவனத்தின் மூத்த செய்தியாளர் கிறிஸ்டினா அமன்புர் பேட்டி எடுக்க திட்டமிட்டிருந்தார்.

ஆனால், பேட்டி எடுக்க வேண்டுமானால் செய்தியாளர் கிறிஸ்டினா அணிய வேண்டும் என ஈரான் அதிபர் ரைசி தரப்பில் தெரிவிக்கப்பட்டது. ஆனால், தான் அமெரிக்காவில் இருப்பதாகவும் இங்கு ஹிஜாப் சட்டமில்லை என்றும் கிறிஸ்டினா தெரிவித்துள்ளார்.

இதனை தொடர்ந்து கிறிஸ்டினாவுக்கு பேட்டி அளிக்க ஈரான் அதிபர் மறுத்து விட்டார். மேலும், அந்த நிகழ்ச்சியும் ரத்து செய்யப்பட்டு விட்டது. இது தொடர்பாக ஈரான் அதிபருக்காக வைக்கப்பட்ட இருக்கை காலியாக இருக்க அதற்கு எதிர்புறம் தான் அமர்ந்திருப்பது போல் உள்ள புகைப்படத்தை வெளியிட்டு கிறிஸ்டினா தனது டுவிட்டர் பக்கத்தில் வெளியிட்டுள்ளார்.