நாவல் படத்தை இயக்கும் ஐசுஜான்சி

கதை திரைக்கதை வசனம் எழுதி நாவல் என்ற படம் மூலம் இயக்குனராக அறிமுகமாகிறார் பெண் இயக்குனரான ஐசுஜான்சி. எண்ட்லஸ் புரொடக்சன்ஸ் சார்பில் அருணாசலகுமார் தயாரிக்கும் இப்படத்தின் இசைவெளியீட்டு விழா சமீபத்தில் நடைபெற்றது. திரைப்பட இயக்குனர்கள் சங்கத்தின் தலைவர் ஆர்.கே.செல்வமணி, செயலாளர் ஆர்.வி.உதயகுமார், பொருளாளர் பேரரசு ஆகியோர் இணைந்து இப்படத்தின் இசையை வெளியிட்டனர். இயக்குனர் இமயம் பாரதிராஜாவின் பட்டறையிலிருந்து வந்திருக்கும் அறிமுக இயக்குனரான ஐசுஜான்சி படம் பற்றி கூறுகையில், நாம் நிஜமானவை என்று ஒன்றை எண்ணிக் கொண்டிருக்கும் வேளையில் அவற்றை மாற்றும் ஒரு எண்ணமே நிஜமான எண்ணம் என்பதை மையக்கருவாக வைத்து கதைக்களத்தை அமைத்துள்ளதாக கூறினார். இதில் திகில் கலந்த விறுவிறுப்புடன் திரைக்கதை அமைத்துள்ளதாவும் சொன்னார்.