முக்கிய செய்திகள்
Idhayam Matrimony

அல்ஷிபா மருத்துவமனையில் உள்ள பணயக் கைதிகள் வீடியோ வெளியிட்டது இஸ்ரேல்

திங்கட்கிழமை, 20 நவம்பர் 2023      உலகம்
Gaza-Hospital 2023-11-21

டெல் அவிவ், காசாவின் மிகப் பெரிய மருத்துவமனையான அல் ஷிபா மருத்துவமனையில் பணய கைதிகளை ஹமாஸ் அமைப்பினர் பிடித்து  வைத்திருப்பதாக இஸ்ரேல் வீடியோ வெளியிட்டுள்ளது. 

இஸ்ரேல் மீது கடந்த மாதம் 7-ம் தேதி ஹமாஸ் குழுவினர் பயங்கரவாத தாக்குதல் நடத்தி ஏராளமானோரை கொன்று குவித்தனர். மேலும், இஸ்ரேலில் இருந்து 200-க்கும் மேற்பட்டோரை பணயக் கைதிகளாக காசா முனைக்கு ஹமாஸ் குழுவினர் கடத்தி சென்றனர். 

இந்த தாக்குதலை தொடர்ந்து இரு தரப்பும் மோதலில் ஈடுபட்டுள்ளது. காசாவில் தரைவழி தாக்குதலை நடத்தி வரும் இஸ்ரேல் பாதுகாப்புப் படையினர் அப்பகுதியில் உள்ள மருத்துவமனைகளில் ஹமாஸ் அமைப்பினர் பதுங்கி உள்ளதாக குற்றம்சாட்டி உள்ளனர்.

மேலும், காசாவின் மிகப் பெரிய மருத்துவமனையான அல்-ஷிபா மருத்துவமனையை இஸ்ரேல் படையினர் சுற்றி வளைத்துள்ளனர். இதன் காரணமாக அல்-ஷிபா மருத்துவமனையில் இருந்த பெரும்பாலானோர் வெளியேறி விட்டனர். மேலும், அல்ஷிபா மருத்துவமனையில் சுரங்கப்பாதை கண்டுபிடித்துள்ளதாக இஸ்ரேல் பாதுகாப்புப்படை தெரிவித்துள்ளது.

இந்நிலையில், மருத்துவமனைகளில் ஹமாஸ் அமைப்பினர் பதுங்கியிருப்பதாக கூறும் குற்றச்சாட்டிற்கு வலு சேர்க்கும் வகையில் இஸ்ரேல் பாதுகாப்பு படை டுவிட்டர் தளத்தில் வீடியோ வெளியிட்டுள்ளது. அந்த வீடியோவில், ஒரு நபரை ஆயுதம் ஏந்திய சிலர் மருத்துவமனைக்குள் கொண்டு வருவதும், ஒருவரை ஸ்டிரெச்சரில் கொண்டு வருவதும் பதிவாகியிருக்கிறது.

காசா நகரில் உள்ள அல் ஷிபா மருத்துவமனைக்கு பணயக் கைதிகள் கொண்டு வரப்பட்டதாக இஸ்ரேல் பாதுகாப்பு படை பதிவிட்டுள்ளது. 

நேபாளத்தைச் சேர்ந்த ஒருவர் மற்றும்  தாய்லாந்தைச் சேர்ந்த ஒருவர் என இஸ்ரேலிய பகுதியில் இருந்து கடத்தப்பட்டவர்களை ஆயுதம் ஏந்திய ஹமாஸ் பயங்கரவாதிகள் கொண்டு வந்துள்ளனர். பணயக் கைதிகளில் ஒருவர் காயமடைந்து மருத்துவமனை படுக்கையில் கொண்டு செல்லப்படுகிறார். மற்றவர் நடந்து செல்கிறார்.

படுகொலை நடந்த அக்டோபர் 7-ம் தேதி, அல் ஷிபா மருத்துவமனை வளாகத்தை ஹமாஸ் பயங்கரவாத அமைப்பு பயங்கரவாத உள்கட்டமைப்பாக பயன்படுத்தியது என்பதை இந்த காட்சி நிரூபிக்கிறது என்று இஸ்ரேல் ராணுவம் விவரித்துள்ளது.

இந்த இரண்டு பணயக் கைதிகளையும் இன்னும் கண்டுபிடிக்கவில்லை, அவர்கள் எங்கிருக்கிறார்கள் என்று தெரியாது என இஸ்ரேல் ராணுவ செய்தித் தொடர்பாளர் டேனியல் ஹகாரி தெரிவித்துள்ளார். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 2 months 3 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 2 months 3 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 3 months 3 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 3 months 3 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 5 months 3 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 5 months 3 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.