முக்கிய செய்திகள்
Idhayam Matrimony

தாய்லாந்து ஓட்டலில் வெளிநாட்டு சுற்றுலாவாசிகள் 6 பேர் மர்ம மரணம்

புதன்கிழமை, 17 ஜூலை 2024      உலகம்
Thailand 2024 07 17

Source: provided

பாங்காக் : தாய்லாந்து ஓட்டலில் வெளிநாட்டு சுற்றுலாவாசிகள் 6 பேர் மர்ம மரணமடைந்தது குறித்து போலீசார் விசாரணை நடத்தி வருகின்றனர். 

தாய்லாந்து நாட்டின் பாங்காக் நகரில் உள்ள பிரபல கிராண்ட் ஹையாத் எராவன் ஓட்டலில் வெளிநாட்டு சுற்றுலாவாசிகள் சிலர் வந்து தங்கியுள்ளனர்.  அவர்கள் வேறு வேறு அறைகளை வாடகைக்கு எடுத்து இருக்கின்றனர்.  

இந்நிலையில், அவர்களில் 6 பேர் நேற்று முன்தினம் மர்ம மரணம் அடைந்துள்ளனர். இதில், அவர்களின் உடல்கள் ஓட்டலின் ஒரே அறையில் கிடந்துள்ளன.  இது போலீசாருக்கு பலத்த சந்தேகம் ஏற்படுத்தி உள்ளது.  

அவர்களில் 2 பேரிடம் அமெரிக்க பாஸ்போர்ட் இருந்துள்ளது.  அவர்களில் 3 பேர் பெண்கள்.  மற்ற 3 பேர் ஆண்கள் ஆவர்.  அவர்கள் மரணம் அடைவதற்கு முன் போராடியதற்கான எந்தவித அடையாளமும் இல்லை.

அவர்களின் உடலில் காயங்கள் எதுவும் இல்லை.  அவர்களுக்கு வழங்கிய உணவு அப்படியே இருந்தது.  அவர்கள் அனைவருக்கும் 37 முதல் 56 வயதுக்குள் இருக்கும் என அதிகாரிகள் தெரிவித்துள்ளனர்.  

இந்த மர்ம மரண சம்பவத்தில் உயிரிழந்தவர்களின் உடல்களை ஓட்டலின் பணிப்பெண் முதலில் பார்த்து போலீசாருக்கு தகவல் தெரிவித்து உள்ளார். இதுபற்றி போலீஸ் அதிகாரி திடி சேங்சவாங் நேற்று கூறும் போது, 

அவர்கள் தற்கொலை செய்து கொள்ளவில்லை.  யாரோ அவர்கள் படுகொலை செய்துள்ளனர்.  அந்த நபர் யார் என தேடி வருகிறோம் என கூறியுள்ளார்.  இதனை தொடர்ந்து, சம்பவம் நடந்த ஓட்டலுக்கு அந்நாட்டு பிரதமர் ஸ்ரத்தா தவிசின் நேரில் சென்று பார்வையிட்டார்.

அவருடன் மூத்த காவல் துறை அதிகாரிகளும் சென்றிருந்தனர்.  இந்த விவகாரத்தில் உடனடியாக நடவடிக்கை எடுக்க அவர் உத்தரவிட்டார்.  சுற்றுலாவுக்கு பாதிப்பு ஏற்படாத வகையில், விரைவாக நடவடிக்கை எடுக்கும்படி அனைத்து விசாரணை அமைப்புகளுக்கும் உத்தரவிடப்பட்டு உள்ளது.

ஓட்டல் அறையில் பலியாகி கிடந்தவர்களில் சிலர் வியட்நாம் நாடுகளை சேர்ந்தவர்கள் என்று தெரிய வந்துள்ளது.  இந்நிலையில் பிரதமர் தவிசின் நேற்று கூறும் போது, இந்த விசாரணையில் எப்.பி.ஐ. அதிகாரிகளும் இணைந்துள்ளனர்.  ஏனெனில் அவர்களில் 2 பேர் அமெரிக்க குடிமகன்கள் என தெரிவித்துள்ளார். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 7 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 7 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 9 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 9 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.