வங்கதேச கலவரத்தில் ஓட்டலுக்கு தீவைப்பு: 24 பேர் உயிரிழப்பு

டாக்கா, வங்கதேசத்தில் கலவரத்தின் போது ஓட்டலுக்கு தீ வைக்கப்பட்ட சம்பவத்தில் 24 பேர் பலியானதாக தெரிவிக்கப்பட்டுள்ளது.

 வங்கதேசத்தில் கலவரத்தின்போது, அவாமி லீக் கட்சியின் பொதுச் செயலாளர் ஷாஹின் சக்கலாடர் என்பவருக்கு சொந்தமான நட்சத்திர ஓட்டல் தீவைத்து எரிக்கப்பட்டுள்ளது.  ஓட்டலின் தரைத்தளத்தில் வைக்கப்பட்ட தீ, அதிவேகமாக மேல் தளங்களுக்கும் பரவியுள்ளது. 

இதனைத் தொடர்ந்து, ஓட்டலினுள்ளே தங்கியிருந்தவர்களில் 24 பேர் பலியாகியுள்ளனர்; உயிரிழந்தவர்களில் இந்தோனேசியாவைச் சேர்ந்தவர்களும் அடங்குவர்.  அதுமட்டுமின்றி, ஓட்டலின் இடிபாடுகளுக்குள் இன்னும் சிலர் சிக்கியிருக்கக் கூடும் என்றும் அஞ்சப்படுகிறது.

மேலும், அவாமி கட்சியின் மத்திய அலுவலகம், அவாமி கட்சியின் பல தலைவர்களின் குடியிருப்புகள் மற்றும் வணிக நிறுவனங்களும் ஒரே நேரத்தில் சேதப்படுத்தப்பட்டுள்ளதாகக் கூறுகின்றனர்.