'முபாசா: தி லயன் கிங் படத்துக்கு குரல் கொடுத்த சிங்கம் புலி

கடந்த 2019 இன் லைவ்-ஆக்ஷன் படமான 'தி லயன் கிங்' பிளாக்பஸ்டர் வெற்றியைத் தொடர்ந்து, பிரமிக்க வைக்கும் 'முஃபாசா: தி லயன் கிங்' திரைப்படம் இம்மாதம் 20, அன்று வெளியாகிறது. இதன் தமிழ் பதிப்பில் கதாபாத்திரங்களுக்கு பல முன்னணி நடிகர்கள் குரல் கொடுத்துள்ளனர்.

முபாசாவாக அர்ஜுன் தாஸ், டாக்காவாக அசோக் செல்வன், இளைய ரஃபிக்கின் குரலாக விடிவி கணேஷ் மற்றும் கிரோஸிற்கு நடிகர் நாசரும் குரல் கொடுத்துள்ளனர். இதில் முக்கிய கதாபாத்திரமான பும்பா மற்றும் டைமனுக்கு சிங்கம் புலி குரல் கொடுத்துள்ளனர்.

இந்த அனுபவம் குறித்து சிங்கம் புலி பகிர்ந்து கொண்டதாவது, "இந்தப் படத்தில் நான் இருப்பேன் என்று நினைத்துக்கூட பார்க்கவில்லை. இது முற்றிலும் தற்செயலானது. 2019 இல் எனக்கு முதலில் வாய்ப்பு கிடைத்த போது, நான் தயங்கினேன். ஆனால் என் குழந்தைகளின் உரையாடலைக் கேட்டவுடன் நான் அந்த வாய்ப்பைப் பயன்படுத்திக் கொள்ள வேண்டும் என்று நினைத்தேன்.

இதுபோன்ற வாய்ப்புகள் கிடைப்பது அரிதானவை என்றார்.  இப்படம் ஆங்கிலம், இந்தி, தமிழ் மற்றும் தெலுங்கு ஆகிய மொழிகளில் டிசம்பர் 20 அன்று இந்தியாவில் வெளியாக உள்ளது.