முக்கிய செய்திகள்
Idhayam Matrimony

பள்ளி மாணவர்களுக்கு இலவச பஸ்பாஸ் 10 நாட்களில் வழங்கப்படும்

செவ்வாய்க்கிழமை, 19 ஜூன் 2012      தமிழகம்
Image Unavailable

சென்னை, ஜுன் - 19 - பள்ளி மாணவர்களுக்கான இலவச பஸ் பாஸ் 10 நாட்களில் வழங்கப்படும் என்று போக்குவரத்துதுறை உயர் அதிகாரி ஒருவர் தெரிவித்தார். அரசு மற்றும் அரசு உதவிபெறும் பள்ளிகளில் படிக்கும் மாணவ, மாணவிகளுக்கு தமிழக அரசு  இலவச பஸ் பாஸ் வழங்கி வருகிறது. இதன் மூலம் ஏழை, எளிய மாணவர்கள் பெரும் பயனடைந்து வருகிறார்கள்.  மாணவர்களுக்கான இலவச பஸ் பாஸ் குறித்து போக்குவரத்து துறை  அதிகாரி ஒருவர் தெரிவிக்கையில்,  இதுவரை சென்னையில் மட்டுமே இருந்துவந்த ஸ்மார்ட் கார்டு திட்டம் இம்முறை தமிழகம் முழுவதும் மாணவர்களுக்கு  அறிமுகம் செய்யப்பட இருக்கிறது. இந்த ஸ்மார்ட் கார்டு தயாரிக்கும் பணிக்கான ஒப்பந்த புள்ளிகள் திறக்கப்பட்டு அவை பரிசீலிக்கப்பட்டு வருகின்றன. விரைவில் இந்த பணிகள் முடிவடைந்து ஸ்மார்ட் கார்டு தயாரிக்கும் பணி ஒப்படைக்கப்படும். இதில் எந்தவித தாமதமும் இல்லை. எப்பொழுதும் பள்ளிகள் தொடங்கி மூன்றாவது வாரத்திலேயே பஸ் பாஸ்கள் வழங்கப்படும். அதுபோலவே இம்முறையும் வழங்க அனைத்து ஏற்பாடுகளும் செய்யப்படும் என்றும் அவர் தெரிவித்தார்.

இதை ஷேர் செய்திடுங்கள்:

Idhayam Matrimony

கிட்சன் சமையல் - ருசித்து பாருங்க!!