கிளாம்பாக்கத்தில் கூடுதல் பேருந்துகள்: அமைச்சர் தலைமையில் ஆலோசனை

சென்னை, அனைத்து போக்குவரத்து மேலாளர்களுடன் நேற்று தலைமை செயலகத்தில் அமைச்சர் சிவசங்கர் ஆலோசனை மேற்கொண்டார். 

கிளாம்பாக்கம் பஸ் நிலையத்தில் இருந்து சில தினங்களுக்கு முன்னர் சொந்த ஊர்களுக்கு செல்ல பயணிகள்  கிளாம்பாக்கத்தில் வெகு நேரமாக காத்திருந்தும் எந்த பஸ்சும் வராததால் பொறுமையை இழந்து பயணிகள் திடீரென சாலை மறியலில் ஈடுபட்டனர். 500-க்கும் மேற்பட்டோர் மறியலில் ஈடுபட்டதால், சென்னை - திருச்சி தேசிய நெடுஞ்சாலையில் போக்குவரத்து பாதிக்கப்பட்டது. மேலும் கிளாம்பாக்கத்தில் இருந்து வெளியூர்களுக்கு செல்ல போதிய பஸ்கள் இல்லை என பயணிகள் குற்றஞ்சாட்டி உள்ளனர். இதனால் அப்பகுதியில் பரபரப்பான சூழல் நிலவியது.

இந்த நிலையில் அனைத்து போக்குவரத்து மேலாளர்களுடன் நேற்று தலைமை செயலகத்தில் அமைச்சர் சிவசங்கர் ஆலோசனை மேற்கொண்டார். இந்த ஆலோசனை மூலம் கிளாம்பாக்கத்திற்கு கூடுதல் பஸ் வசதி அமைத்து தரப்படும் என எதிர்பார்க்கப்படுகிறது.