செய்முறை ;--  

1. ஒரு பாத்திரத்தில் பொடியாக நறுக்கிய 1/4 கிலோ முட்டைகோஸ், பொடியாக நறுக்கிய வெங்காயத்தாள் 100 கிராம்,பொடியாக நறுக்கிய 2 பச்சை மிளகாய் மற்றும் தேவையான  அளவு உப்பு போட்டு  நன்றாக கலந்து அதில் உள்ள சாறை பிழிந்து முட்டை கோஸை ஒரு பாத்திரத்தில் எடுத்துக்கொள்ளவும்.
2. இதனுடன் 150 கிராம் துருவிய கேரட்,மைதா மாவு 50 கிராம்,பொடியாக நறுக்கிய ½  குடைமிளகாய்,மிளகாய் தூள் ஒரு ஸ்பூன்,சோம்பு  தூள் 1/2 ஸ்பூன்,இஞ்சி தூள் 1/2 ஸ்பூன்,கார்ன் பிளவர் மாவு 50  கிராம் மற்றும் தேவையான  அளவு உப்பு போட்டு  நன்றாக கலந்து விடவும்.
3. கையில் சிறிதளவு எண்ணெய்யை தேய்த்துக்கொண்டு சிறிதளவு மாவை எடுத்து அதை சிறு சிறு உருண்டைகளாக உருட்டி தயார் செய்து வைத்துக்கொள்ளவும்.
4. அடுப்பில் கடாய் வைத்து 1/2 லிட்டர்  எண்ணெய்யை ஊற்றவும்.
5. எண்ணெய்  சூடானவுடன் தயார் செய்து வைத்துள்ள உருண்டைகளை ஓவ்வொன்றாக எண்ணெயில் போட்டு பொரிக்கவும்.
6. திருப்பி திருப்பி போட்டு நன்றாக பொறித்து எடுத்து வைத்துக்கொள்ளவும்.
7. அடுப்பில் கடாய் வைத்து 2 ஸ்பூன்  எண்ணெய்யை ஊற்றவும்.
8. எண்ணெய் சூடானவுடன் பொடியாக நறுக்கிய ஒரு பச்சை மிளகாய் மற்றும் ஒரு துண்டு இஞ்சி போட்டு நன்றாக வதக்கவும்.
9. இதனுடன் பொடியாக நறுக்கிய ஒரு பெரிய வெங்காயம் மற்றும் பொடியாக நறுக்கிய ஒரு தக்காளியை போட்டு  நன்றாக வதக்கவும்.
10. இதனுடன் பொடியாக நறுக்கிய ½  குடைமிளகாய் மற்றும் பொடியாக நறுக்கிய சிறிதளவு வெங்காயத்தாள் போட்டு நன்றாக வதக்கவும்.
11. இதனுடன் ஒரு ஸ்பூன் ரெட் சில்லி சாஸ்,ஒரு ஸ்பூன் கீரின்  சில்லி சாஸ்,ஒரு ஸ்பூன் தக்காளி சாஸ் ஒரு ஸ்பூன் சோயா சாஸ்,ஒரு ஸ்பூன்,மிளகாய் தூள் ஒரு ஸ்பூன்,மிளகு தூள் ஒரு ஸ்பூன் மற்றும் தேவையான  அளவு உப்பு போட்டு  கலந்து விடவும்.
12. இதனுடன் 50 கிராம் கார்ன் பிளவர் மாவை தண்ணீரில் போட்டு கரைத்து ஊற்றி கலந்து விடவும்.
13. இதனுடன் 2 டம்ளர் தண்ணீரை ஊற்றி கலந்து விடவும்.
14. இதனுடன் எண்ணெயில் பொறித்து வைத்துள்ள உருண்டைகளை ஓவ்வொன்றாக போட்டு கலந்து விடவும்.
15. இப்போது அடுப்பில் இருந்து இறக்கி விடலாம்.
16. சுவையான வெஜிடபிள் மஞ்சூரியன் ரெடி.