ராமர் நடிக்கும் அது வாங்குனா இது இலவசம்

ஸ்ரீஜா சினிமாஸ் தயாரிப்பில் S.K செந்தில் ராஜன் எழுத்து இயக்கத்தில் உருவாகியுள்ள படம் ‘அது வாங்குனா இது இலவசம்’. விஜய் டிவி ராமர் முதன்மை கதாபாத்திரத்தில் நடிக்க கதாநாயகியாக பூஜாஸ்ரீ நடித்துள்ளார். படம் குறித்து இயக்குநர் செந்தில் ராஜன் கூறும்போது, “ஒரு சிலர் செய்யும் தவறுகளால் மற்றவர்கள் எப்படி பாதிக்கப்படுகிறார்கள் என்பதை கருவாக்கொண்டு இந்த படம் உருவாகி உள்ளது. இந்த படத்திற்கு அர்வின் ராஜ் இசையமைத்துள்ளார். ஒளிப்பதிவை விக்னேஷ் மலைச்சாமி கவனிக்க,  நாகராஜன்.D படத்தொகுப்பு செய்துள்ளார். நடனத்தை சரவணன் வடிவமைத்துள்ளார் என்றார். பிப்ரவரி 14 அன்று வெளியாக இருக்கும் இந்த படத்தை ஆக்சன் ரியாக்சன் நிறுவனம் சார்பில் ஜெனீஷ் தமிழகமெங்கும் வெளியிடுகிறார்.