கூத்தக்குடி சண்முகம் மறைவுக்கு ஜெயலலிதா இரங்கல்

சென்னை - முன்னாள் சட்டமன்ற உறுப்பினர் கூத்தக்குடி எஸ்.சண்முகத்தின் மறைவுக்கு அதிமுக பொதுசெயலாளர் ஜெயலலிதா இரங்கல் தெரிவித்துள்ளார். இது குறித்து அவர் விடுத்த இரங்கல் செய்தி:

லெனின் கம்யூனிஸ்ட் கட்சி தலைவரும், சிவகங்கை மாவட்டம் திருப்பத்தூர் சட்டமன்றத்தொகுதியின் முன்னாள் உறுப்பினருமான கூத்தக்குடி எஸ்.சண்மூகம் உடல் நலக்குறைவால் மரணமடைந்தார் என்ற செய்தி கேட்டு வருத்தமுற்றேன்.

அன்புசகோதரர் கூத்தக்குடி சண்முகத்தை இழந்து வாடும் அவரது குடும்பத்தினருக்கு ஆழ்ந்த அனுதாபங்களையும் இரங்கலையும் தெரிவித்துக்கொள்வதோடு, அன்னாரது ஆன்மா இறைவன் திருவடியில் இளைப்பாற எல்லாம் வல்ல இறைவனை பிரார்த்திக்கிறேன். இவ்வாறு அவர் கூறியுள்ளார்.