விம்பிள்டன் டென்னிஸ்: அரையிறுதியில் ரோஜர் பெடரர் -ஆன்டி முர்ரே மோதல்

லண்டன் - விம்பிள்டன் டென்னிஸ் போட்டியில் அரையிறுதி ஆட்டத்தில் முன்னணி வீரர்களான ரோஜர் பெடரர் மற்றும் ஆண்டி முர்ரே மோதவுள்ளனர். விம்பிள்டன் டென்னிஸ் ஆடவர் பிரிவில் ரோஜர் பெடரர் அரையிறுதிக்கு தகுதி பெற்றார். 10-வது முறையாக விம்பிள்டன் டென்னிஸ் ரோஜர் பெடரர் அரையிறுதிக்கு முன்னேறினார்.  சுவிட்சர்லாந்தின் நட்சத்திர வீரரான பெடரர்,  ஆடவர் ஒற்றையர் காலிறுதி ஆட்டத்தில், பிரான்சின் கில்லஸ் சைமனை எதிர்கொண்டார்.  ஒரு மணி நேரம் 34 நிமிடங்கள் நீடித்த இந்த ஆட்டத்தில், 6-3, 7-5, 6-2 என்ற நேர் செட் கணக்கில் பெடரர் வெற்றி பெற்றார்.இந்த வெற்றியின் மூலம் பெடரர் அரையிறுதி ஆட்டத்தில் பிரிட்டனின் நட்சத்திர வீரர் ஆண்டி முர்ரேவை  எதிர்கொள்கிறார்.