இடி மின்னல் தாக்கி உயிரிழந்தவர்கள் குடும்பத்திற்கு தலா ரூ 1 லட்சம் நிதி உதவி முதல்வர் ஜெயலலிதா அறிவிப்பு

சென்னை: இடி மின்னல் தாக்கி உயிரிழந்த 6 பேரின் குடும்பங்களுக்கு தலா ரூ 1 லட்சம் நிதி உதவி வழங்கப்படும் என்று முதல்வர் ஜெயலலிதா அறிவித்துள்ளார். இது குறித்து முதலமைச்சர் ஜெயலலிதா வெளியிட்ட அறிக்கையில் கூறியிருப்பதாவது: 24.4.2015 அன்று திருநெல்வேலி மாவட்டம், வீரகேரளம்புதூர் வட்டம், குலையனேரி கிராமத்தைச் சேர்ந்த தங்கையாவின் மனைவி குருவம்மாள்; 27.4.2015 அன்று திருவாரூர் மாவட்டம், திருத்துறைப்பூண்டி வட்டம், எழிலூர் கிராமத்தைச் சேர்ந்த பொன்னுசாமியின் மகன் . வெள்ளைச்சாமி; கடலூர் மாவட்டம், திட்டக்குடி வட்டம், போத்திரமங்கலம் மேற்கு கிராமத்தைச் சேர்ந்த செல்லமுத்துவின் மகன் மாயவேல்; இராமநாதபுரம் மாவட்டம், முதுகுளத்தூர் வட்டம், ஏ.நெடுங்குளம் கிராமத்தைச் சேர்ந்த . பச்சைமாலின் மனைவி இந்திரா, . தேவராஜின் மனைவி அனுராதா; 3.5.2015 அன்று புதுக்கோட்டை மாவட்டம், குளத்தூர் வட்டம், வத்தனாகோட்டை கிராமத்தைச் சேர்ந்த . பழனிவேலின் மனைவி கலைமணி; ஆகியோர் இடி, மின்னல் தாக்கியதால் உயிரிழந்தனர் என்ற செய்தியை அறிந்து நான் மிகவும் துயரம் அடைந்தேன்.

இந்த துயர சம்பவங்களில் அகால மரணமடைந்தவர்களின் குடும்பங்களுக்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன். இந்தத் துயரச் சம்பவங்களில் உயிரிழந்தவர்களின் குடும்பங்களுக்கு முதலமைச்சரின் பொது நிவாரண நிதியிலிருந்து தலா ஒரு லட்சம் ரூபாய் வழங்க நான் உத்தரவிட்டுள்ளேன். இவ்வாறு அந்த அறிவிப்பில் அவர் கூறியுள்ளார்.