உள்ளாட்சி தேர்தல் தொடர்பான கருத்துக்களை தெரிவிக்க அரசியல் கட்சி பிரதிநிதிகளுக்கு அழைப்பு விடுக்கப்பட்டுள்ளது.
தேர்தல் நடத்தும் அலுவலர்கள்
நீலகிரி மாவட்டத்தில் தற்போது நடைபெற உள்ள உள்ளாட்சி தேர்தல் 2017 தொடர்பாக வாக்குச்சாவடிகள் பட்டியல்கள் சம்பந்தப்பட்ட தேர்தல் நடத்தும் அலுவலர்களால் தயாரிக்கப்பட்டுள்ளது. ஊரக உள்ளாட்சி தேர்தல் தொடர்பான வாக்குச்சாவடி வரைவு பட்டியல்கள் மாவட்ட கலெக்டர் அலுவலகம், மாவட்ட ஊராட்சி அலுவலகம், சம்பந்தப்பட்ட ஊராட்சி ஒன்றிய அலுவலகங்கள், சம்பந்தப்பட்ட ஊராட்சி அலுவலகங்களிலும், அதேபோன்று நகர்புற உள்ளாட்சி தேர்தல் தொடர்பான வாக்குச்சாவடி வரைவு பட்டியல்களை சம்பந்தப்பட்ட நகராட்சி அலுவலகம், சம்பந்தப்பட்ட ஒவ்வொரு வாட்டிலும் தேர்தல் நடத்தும் அலுவலர்களால் 14.03.2017 அன்று விளம்பரப் படுத்திட ஏற்பாடுகள் செய்யப்பட்டுள்ளது.
கருத்துக்களை தெரிவிக்கலாம்
எனவே பொதுமக்கள் தேர்தலில் போட்டியிட விரும்பும் வேட்பாளர்கள், அரசியல் கட்சிகளின் மாவட்ட பிரதிநிதிகள் தங்களது கருத்துக்களை அல்லது மறுப்புரைகளை தெரிவிக்க விரும்பும் பட்சத்தில் அதனை சம்பந்தப்பட்ட தேர்தல் நடத்தும் அலுவலர்களிடமோ அல்லது மாவட்ட தேர்தல் நடத்தும் அலுவலரிடமோ உரிய காலக்கெடுவிற்குள் தெரிவிக்குமாறு கேட்டுக்கொள்ளப்படுகிறது. இத்தகவலை மாவட்ட தேர்தல் அலுவலர் மற்றும் கலெக்டர் முனைவர் பொ.சங்கர் தெரிவித்துள்ளார்.
