ஓகி புயலில் மரணமடைந்த 16 மீனவ குடும்பங்களுக்கு ரூ.3.20 கோடி நிவாரணத்தொகை வழங்கப்பட்டுள்ளது கலெக்டர் சஜ்ஜன்சிங் ரா.சவான் தகவல்

திங்கட்கிழமை, 15 ஜனவரி 2018      கன்னியாகுமரி
kanyakumari collector

கன்னியாகுமரி  மாவட்டம்,  கலெக்டர்  அலுவலக் சிறு கூட்ட அரங்கில்  கலெக்டர் சஜ்ஜன்சிங் ரா.சவான்   தலைமையில் ஓகி புயலில் சிக்கி காணாமல் போன மீனவர்களின் குடும்பங்களுக்கு  நிவாரணத்தொகை வழங்குவது  தொடர்பான ஆலோசனை கூட்டம் நடைபெற்றது.

ஆலோசனை கூட்டம்

ஓகி புயலில் சிக்கி காணாமல் போன மீனவர்களுக்கு ரூ.20.00 லட்சம் நிவாரணத்தொகை வழங்குவது தொடர்பான அரசாணை 12-01-2018 அன்று தமிழக அரசால் வெளியிடப்பட்டது. இதனைத் தொடர்ந்து அரசாணையினை நடைமுறைப்படுத்துவதற்கு ஏதுவாக அரசாணையில் தெரிவிக்கப்பட்டுள்ள வழிகாட்டு நெறிமுறைகளை பின்பற்றுவது தொடர்பாகவும், இப்பணியினை மேற்கொள்ள அமைக்கப்பட்ட அரசு அலுவலர்கள் குழு ஆலோசனைக்கூட்டம் நடத்தப்பட்டது. இக்கூட்டத்தில்  கடலில் காணாமல்போன மீனவர்களை இறந்தவர்களாக அறிவிப்பு செய்திட கள ஆய்வு மேற்கொள்வது குறித்தும், காணமல் போன மீனவர்களின் விவரங்கள் தொடர்பான ஆவணங்களை சேகரிப்பது குறித்தும் கலெக்டர்  சம்மந்தப்பட்ட அலுவலர்களுக்கு அறிவுரை வழங்கினார். பின்னர், கலெக்டர்   செய்தியாளர்களிடம் தெரிவித்தாவது:ஓகி புயலில் சிக்கி காணாமல் போன மீனவர்களின் குடும்பங்களுக்கு  நிவாரணத்தொகை வழங்குவது தொடர்பாக தமிழக அரசு 12-01-2018 அன்று அரசாணை வெளியிட்டது. அதன்படி,  வட்டாட்சியர் தலைமையில், வட்டார அளவில் மீன்துறை ஆய்வாளர், கிராம நிர்வாக அலுவலர் மற்றும் மீனவகிராமத்தில் பிரதிநிதிகள் மூன்றுபேர் அடங்கிய குழு ஒன்று அமைக்கப்பட்டு காணாமல் போன மீனவர்களின் விவரத்தை உறுதி செய்ய கள ஆய்வு மேற்கொள்ளப்படும். இந்த குழு வழங்கும் அறிக்கை அரசுக்கு அனுப்பி வைக்கபட்டுகாணாமல் போன மீனவர்களின் விவரம் உறுதி செய்யப்பட்டபின் உரிய நிவாரணத்தொகை வழங்கப்படும். இந்த குழு அமைப்பது குறித்தும். குழுவினரி;ன பணிகள் தொடர்பான முதல் ஆலோசனைக்கூட்டம் இன்று நடைபெற்றது. மேலும். கன்னியாகுமரி  மாவட்டத்தில்   18 மீனவர்கள் மரணமடைந்தது உறுதி செய்யப்பட்டு, அதில் இதுவரை 16 மீனவ குடும்பங்களுக்கு தலா ரூ.20 இலட்சம் வீதம் ரூ.3.20 கோடி நிவாரணத்தொகையும்,  காயமடைந்த 20 மீனவ குடும்பங்களுக்கு தலா ரூ.50 ஆயிரம் வீதம் ரூ.97,500 நிவாரணத்தொகையும்,  வழங்கப்பட்டுள்ளது. காணாமல் போன மீனவர்களின் விவரத்தை உறுதி செய்ய இந்த குழு அமைக்கப்பட்டு விரைவாக நடவடிக்கை மேற்கொள்ளும். இவ்வாறு கலெக்டர்   செய்தியாளர்களிடம் தெரிவித்தார்.இக்கூட்டத்தில மீன்வளத்துறை துணை இயக்குநர் வே.லாமேக் ஜெயகுமார். துணை காவல் கண்காணிப்பாளர் (கடலோர காவல்படை) ஸ்டான்லி ஜோன், வட்டாட்சியர்கள். மீன்வளத்துறை ஆய்வாளர்கள் மற்றும் வருவாய்த்துறை அலுவலர்கள் கலந்து கொண்டனர்.

How to Make Coconut Oil at Home? | வீட்டிலியே சுலபமாக தேங்காய் எண்ணெய் தயாரிப்பது எப்படி?

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்:

View all comments

வாசகர் கருத்து