ஜம்மு, ஜம்மு காஷ்மீரின் காவல்துறை தலைவர் பதவியில் இருந்து எஸ்.பி.வைத் மாற்றப்பட்டுள்ளார். அவருக்கு பதிலாக சிறைத்துறையின் இயக்குநர் தில்பக் சிங் நியமிக்கப்பட்டுள்ளார். இதற்கான உத்தரவை மாநில உள்துறையின் முதன்மைச் செயலர் வெளியிட்டுள்ளார்.
அந்த உத்தரவில், 1986-ம் ஆண்டு ஐ.பி.எஸ். அதிகாரியான எஸ்.பி.வைத், தற்போது போக்குவரத்து ஆணையராக இடமாற்றம் செய்யப்பட்டுள்ளார். தக்க ஏற்பாடுகள் செய்யும் வரை, காவல்துறை தலைவர் பதவிக்கு 1987-ம் ஆண்டு ஐ.பி.எஸ். அதிகாரியான தில்பக் சிங் பொறுப்பு வகிப்பார் என்று அதில் தெரிவிக்கப்பட்டுள்ளது.
