நாட்டின் பொருளாதாரத்தை மேம்படுத்த மினி பட்ஜெட் : இங்கிலாந்து அரசு அறிவிக்கிறது

லண்டன் : நீண்டகால கொரோனா வைரஸ் ஊரடங்கிற்கு பிறகு பொருளாதாரத்தை மேம்படுத்த இங்கிலாந்து அரசு மினி பட்ஜெட்டை அறிவிக்க உள்ளது.

சீனாவின் உகான் நகரில் தோன்றிய கொரோனா வைரஸ் உலக நாடுகளை கதிகலங்க வைத்துள்ளது. கொரோனாவால் உலகளவில் சுகாதார நெருக்கடி மட்டுமின்றி பொருளாதார நெருக்கடியும் ஏற்பட்டுள்ளது.

மார்ச் மற்றும் ஏப்ரல் மாதங்களில் பிரித்தானியா பொருளாதாரம் ஒட்டுமொத்தமாக 25 சதவீதம் சரிந்து விட்டது என்று தேசிய புள்ளிவிவரங்களுக்கான அலுவலகம் (ஓ.என்.எஸ்.) கூறுகிறது. 

இந்த நிலையில், உள்கட்டமைப்பு செலவினங்களை மையமாகக் கொண்ட இந்த திட்டத்தை அறிவிக்கப்பட உள்ளது. வீட்டு காப்பு மேம்படுத்துவதற்காக வீடுகளுக்கு 2 பில்லியன் பவுண்டுகள் மானியங்கள் வழங்க்கப்படும் என எதிர்பார்க்கப்படுகிறது. 

அதே நேரத்தில் ஒரு பில்லியன் பவுண்டுகள் மருத்துவமனைகள் உள்ளிட்ட பொது கட்டிடங்களுக்கு ஒதுக்கப்படும் என கூறப்படுகிறது.