ஆஷஸ் கிரிக்கெட் தொடர் இன்று ஆரம்பம்: முதல் டெஸ்ட் போட்டிக்கான 12 பேர் கொண்ட இங்கிலாந்து அணி அறிவிப்பு

ஆஷஸ் தொடரின் முதல் டெஸ்டுக்கான 12 பேர் கொண்ட இங்கிலாந்து அணி அறிவிக்கப்பட்டுள்ளது. ஜோ ரூட் கேப்டனாக நியமிக்கப்பட்டுள்ளார்.

5 ஆட்டங்கள்...

ஆஸ்திரேலியா - இங்கிலாந்து அணிகளுக்கு இடையேயான 5 ஆட்டங்களைக் கொண்ட ஆஷஸ் டெஸ்ட் கிரிக்கெட் தொடர் நாளை முதல் நடைபெறவுள்ளது. இரு வருடங்களுக்கு ஒருமுறை நடைபெறும் ஆஷஸ் தொடர், இந்த வருடம் ஆஸ்திரேலியாவில் நடைபெறுகிறது. இன்று (டிசம்பர் 8) ஆரம்பிக்கும் ஆஷஸ் தொடர், ஜனவரி 18 அன்று முடிவடைகிறது. மகளிர் ஆஷஸ் டெஸ்ட் கேன்பெராவில் ஜனவரி 27 அன்று தொடங்குகிறது. 

ஆஸி.யிடம் கோப்பை... 

2019-ல் இங்கிலாந்தில் நடைபெற்ற ஆஷஸ் தொடர் 2-2 என சமனில் முடிந்தது. இதுவரை நடைபெற்ற 71 ஆஷஸ் தொடர்களில் 33-ல் ஆஸ்திரேலியாவும் 32-ல் இங்கிலாந்தும் வென்றுள்ளன. 6 தொடர்கள் சமனில் முடிந்துள்ளன. ஆஷஸ் தொடரில் நடைபெற்ற 335 டெஸ்டுகளில் 136-ல் ஆஸ்திரேலியாவும் 108-ல் இங்கிலாந்தும் வென்றுள்ளன. 91 டெஸ்டுகள் டிரா ஆகியுள்ளன. 2017-18 ஆஷஸ் தொடரை வென்று 2019 தொடரை சமன் செய்ததால் ஆஷஸ் கோப்பை ஆஸ்திரேலிய அணி வசம் உள்ளது.

முதல் டெஸ்ட் போட்டி...

பிரிஸ்பேனில் தொடங்கும் முதல் டெஸ்டுக்கான ஆஸி. அணி ஏற்கெனவே அறிவிக்கப்பட்டுள்ள நிலையில், 12 பேர் கொண்ட இங்கிலாந்து அணி நேற்று அறிவிக்கப்பட்டுள்ளது. எந்த ஒரு வீரர் இந்தப் பட்டியலில் இருந்து நீக்கப்படுவார் என்பது இன்று தெரிய வரும். 

இங்கிலாந்து அணி:

ஜோ ரூட் (கேப்டன்), ஸ்டுவர்ட் பிராட், ராரி பர்ன்ஸ், ஜாஸ் பட்லர், ஹசீப் ஹமீது, ஜேக் லீச், டேவிட் மலான், ஆலி போப், ஆலி ராபின்சன், பென் ஸ்டோக்ஸ், கிறிஸ் வோக்ஸ், மார்க் வுட்.