பேய காணோம் விமர்சனம்

செல்வ அன்பரசன் இயக்கத்தில், கெளசிக், சந்தியா, கோதண்டம் உள்ளிட்டோர் நடிப்பில் தற்போது வெளியாகி இருக்கும் படம் பேய காணோம். கதை; படக்குழுவினர் பேய் படம் எடுப்பதற்காக காட்டுப்பகுதியில் இருக்கும் ஒரு பங்களாவுக்கு செல்கிறார்கள். பேய் படம் எடுக்க வந்து பேயிடம் சிக்கிக்கொண்ட படக்குழுவினர் படம் எடுத்தார்களா? இல்லையா என்பதை கலகலப்பாக சொல்வது தான் பேய காணோம் படத்தின் கதை. செல்வ அன்பரசன், த.க.தெ.ம.கி என்ற இயக்குநர் வேடத்தில் காமெடி கலந்த நடிப்பினால் கவர்கிறார். நாயகன் கெளசிக் நடனம், சண்டைக்காட்சி என இரண்டிலும் முத்திரை பதித்திருக்கிறார். நாயகியாக நடித்திருக்கும் சந்தியா கொடுத்த வேலையை நிறைவாக செய்திருக்கிறார். கோதண்டம் வரும் காட்சிகள் அனைத்தும் சிரிப்பு சரவெடி. மிஸ்டர் கோளாறு இசையில் பாடல்கள் கேட்கும் ரகம்.  சிறிய பட்ஜெட் படம் என்றாலும் இரண்டு மணி நேரத்தில் எந்தவித அலுப்பும் தெரியாத வகையில் தான் சொல்ல வந்த கதையை மிக நேர்த்தியாகவும், ஜாலியாகவும் சொல்லியிருக்கிறார் இயக்குநர் செல்வ அன்பரசன். மொத்தத்தில் படத்தில்  பேய்க்கு பஞ்சமிருந்தாலும் காமெடிக்கு பஞ்சமில்லை.