பாகிஸ்தான் நாடாளுமன்ற தேர்தல் அட்டவணை 8-ம் தேதி வெளியீடு : தேர்தல் ஆணையம் அறிவிப்பு

இஸ்லாமாபாத் : பாகிஸ்தான் நாடாளுமன்ற தேர்தல் அட்டவணை வரும் 8-ம் தேதி வெளியிடப்படும் என்று அந்நாட்டு தேர்தல் ஆணையம் அறிவித்துள்ளது. 

பாகிஸ்தான் நாடாளுமன்றத்தில் 342 உறுப்பினர்கள் உள்ளனர். இவர்களில் 272 உறுப்பினர்கள் நேரடியாக மக்களால் தேர்ந்தெடுக்கப்படுகின்றனர். பாகிஸ்தான் நாடாளுமன்றத்துக்கு அடுத்த ஆண்டு பிப்ரவரி 8-ம் தேதி தேர்தல் நடைபெறும் என கடந்த சில தினங்களுக்கு முன் அதிகாரப்பூர்வ அறிவிப்பு வெளியானது. 

இது குறித்து செய்தியாளர்களிடம் கூறிய அந்நாட்டு தலைமை தேர்தல் ஆணையர் சிக்கந்தர் சுல்தான் ராஜா, தொகுதி வரையறைகள் முடிவுற்று, தேர்தலை நடத்துவதற்கான அனைத்து முன்னேற்பாடுகளும் செய்யப்பட்டு வருகின்றன. தேர்தல் அட்டவணை இம்மாதம் 8-ம் தேதி வெளியிடப்படும் என்று கூறினார்.