ஜனாதிபதியான பிறகு முதல் முறையாக தனது சொந்த கிராமத்திற்கு சென்றார் முர்மு

புவனேஸ்வர், ஜனாதிபதியான பிறகு முதல் முறையாக சொந்த கிராமத்திற்கு சென்றார் திரெளபதி முர்மு, அங்கு அவர் இது கிராமமல்ல, குடும்பம் என்று தெரிவித்தார்.

ஜனாதிபதி திரெளபதி முர்மு ஒடிசா மாநிலம் மெயுபஜி மாவட்டம் அப்பர்பிடா கிராமத்தில் 1958ம் ஆண்டு ஜூன் 20ம் தேதி பிறந்தார். இதனிடையே, திரெளபதி முர்மு கடந்த 2022 ஜுலை 25ம் தேதி நாட்டின் ஜனாதிபதியாக பதவியேற்றார். இந்நிலையில், ஜனாதிபதியாக பதவியேற்ற பின்னர் முதல் முறையாக திரெளபதி முர்மு தான் பிறந்த ஊரான அப்பர்பிடா கிராமத்திற்கு நேற்று சென்றார்.

சொந்த ஊரில் தான் படித்த பள்ளிக்கூடத்திற்கு ஜனாதிபதி திரெளபதி முர்மு சென்றார். அங்கு மாணவர்களுடன் அவர் கலந்துரையாடினார். மேலும், ஊர் மக்களையும் அவர் சந்தித்தார். மாணவர்களுடன் கலந்துரையாடிய ஜனாதிபதி முர்மு, இது கிராமமல்ல, குடும்பம் என்று பேசினார். மேலும், 66 வயது ஆனபோதும் நான் வளர்ந்துவிட்டேன் என்று தோன்றவில்லை. எனது கிராமத்திலும், பள்ளியிலும் இப்போதும் நான் குழந்தைபோன்று உணருகிறேன்' என்றார்.