பேமிலி படம் விமர்சனம்

திரைப்படம் இயக்குவதற்கான முயற்சிகளில் ஈடுபடும் நாயகன் உதய் கார்த்திக், தயாரிப்பாளரை தேடி அலைகிறார். ஒரு கட்டத்தில் தயாரிப்பாளர் ஒருவர் அவருக்கு கிடைத்து விட, அவரது கதையை சட்ட ரீதியாக திருடி விடுகிறார். என்ன செய்வதென்று தெரியாமல் புலம்பி தவிக்கும் உதய்க்கு அவரது அண்னண்கள் கை கொடுக்க, படத்தை இயக்கத் தொடங்குகிறார் நாயகன்.

இயக்கத்தில் உதய் கார்த்திக் வெற்றி பெற்றாரா? இல்லையா? என்பதை சொல்வது தான் ‘ஃபேமிலி படத்தின் கிளைமாக்ஸ். டைனோசர்ஸ்’ படத்தின் மூலம் தனது அதிரடி நடிப்பால் கவனம் ஈர்த்த உதய் கார்த்திக், லட்சியங்களை சுமந்துக்கொண்டு பயணிக்கும் ஒரு இளைஞராக நடிப்பில் அசத்தியிருக்கிறார். நாயகனின் காதலியாக வரும் நாயகி சுபிக்‌ஷாவுக்கு, எளிமையான பணி என்றாலும் அதை சரியாக செய்திருக்கிறார்.

நாயகனின் அண்ணன்களாக வரும் விவேக் பிரசன்னா, மற்றும் பார்த்திபன் குமாரின் நடிப்பு கச்சிதம். குடும்பத்தை சுற்றி நடக்கும் கதை என்றாலும், இயல்பாக காட்சிப் படுத்தியிருப்பதோடு, காட்சிக்கு காட்சி சிரிக்க வைத்து ரசிக்க வைக்கும் வித்தையை சர்வசாதாரணமாக செய்திருக்கும் இயக்குநர் செல்வ குமாரை பாராட்டலாம். மொத்தத்தில், இந்த ஃபேமிலி படம் அனைவருக்குமான பொதுவான படம்.