டி.என்.பி.எல் 24-வது லீக் ஆட்டம்: காரைக்குடி காளையை வீழ்த்தி பிளே ஆஃப் சுற்றுக்குள் நுழைந்தது மதுரை பாந்தர்ஸ் !

வெள்ளிக்கிழமை, 3 ஆகஸ்ட் 2018      விளையாட்டு
DNPL-2018 08 03

Source: provided

நத்தம் : தமிழ்நாடு பிரீமியர் லீக்கில் நடைபெற்ற போட்டியில் காரைக்குடி காளை அணியை 4 விக்கெட்டுக்கள் வித்தியாசத்தில் வீழ்த்தி மதுரை பாந்தர்ஸ் அணியை வெற்றி பெற்றது.

பந்து வீச்சு தேர்வு

தமிழ்நாடு பிரீமியர் லீக்கின் 24-வது லீக் ஆட்டம் திண்டுக்கல்லில் நடைபெற்றது. காரைக்குடி காளைக்கு எதிரான இந்த ஆட்டத்தில் மதுரை பாந்தர்ஸ் டாஸ் வென்று பந்து வீச்சு தேர்வு செய்தது. அதன்படி காரைக்குடி காளையின் வி ஆதித்யா, ஸ்ரீகாந்த் அனிருதா தொடக்க வீரர்களாக களம் இறங்கினார்கள். இருவரும் சிறப்பான ஆட்டத்தை வெளிப்படுத்தினார்கள். ஆதித்யா 16 பந்தில் 25 ரன்கள் எடுத்து ஆட்டமிழந்தார். அனிருதா 43 பந்தில் 48 ரன்கள் எடுத்து அரைசதம் வாய்ப்பை இழந்தார்.

ஆகாஷ், வருண், கவுசிக்...

அதன்பின் வந்த ஷாஜகான் 1 ரன்னில் வெளியேறினார். 6-வது வீரராக களம் இங்கிய ராஜ்குமார் 9 பந்தில் 20 ரன்களும், ஸ்ரீனிவாசன் 20 பந்தில் 23 ரன்கள் அடிக்க காரைக்குடி காளை நிர்ணயிக்கப்பட்ட 20 ஓவரில் 158 ரன்கள் எடுத்து ஆல்அவுட் ஆனது. மதுரை பாந்தர்ஸ் அணியின் கிரண் ஆகாஷ், வருண் சக்ரவர்த்தி, கவுசிக், தன்வர் தலா இரண்டு விக்கெட்டுக்கள் வீழ்த்தினார்கள்.

கார்த்திக் அதிரடி...

பின்னர், 159 ரன்கள் அடித்தால் வெற்றி என்ற இலக்குடன் மதுரை பாந்தர்ஸ் அணி சேசிங் செய்ய தொடங்கியது, அந்த அணியின் கேப்டனும் தொடக்க ஆட்டக்காரருமான ரோகித் சந்தித்த முதல் பந்திலேயே ஆட்டமிழந்து அதிர்ச்சி அளித்தார்.  அடுத்து களமிறங்கிய சுப்ரமணியம் 2 ரன்கள், தலைன் சற்குணம் 7 ரன்கள் மற்றும் கார்த்திகேயன் 8 ரன்கள் என அடுத்தடுத்து ஆட்டமிழக்க மறுமுனையில் தொடக்க ஆட்டக்காரர் கார்த்திக் மட்டும் அதிரடி ஆட்டத்தை வெளிப்படுத்தினார்.

மதுரை வெற்றி...

அடுத்து களமிறங்கிய சந்திரன் 38 ரன்கள் அடித்து யோ மகேஷ் பந்து வீச்சில் ஆட்டமிழந்தார். 18.2 ஓவர்களில் 6 விக்கெட்டுக்கள் இழப்பிற்கு 162 ரன்கள் குவித்து மதுரை பாந்தர்ஸ் வெற்றி பெற்றது. சிறப்பாக விளையாடிய கார்த்திக் 50 பந்துகளில் 10 பவுண்டரிகள், 2 சிக்சர்களுடன் 85 ரன்கள் குவித்து கடைசிவரை ஆட்டமிழக்காமல் இருந்தார். ஆட்ட நாயகனாகவும் கார்த்திக் தேர்வு செய்யப்பட்டார்.

உடற்பயிற்சியும் ஆரோக்கியமும் | என்றும் 16 | THINABOOMI

இழந்த சொத்து, பதிவி ஆகிவற்றை மீட்டு தரும் ஸ்ரீ ராமநவமி வழிபாடு | PARIGARA STHALANGAL | THINABOOMI

FIR முதல் தகவல் அறிக்கை பதிவு செய்வது எப்படி | How to file FIR | Indian Law | Thinaboomi

இதை ஷேர் செய்திடுங்கள்:

View all comments

வாசகர் கருத்து