வேலூர் பாராளுமன்ற தொகுதி தேர்தல் ரத்து செல்லும்: ஐகோர்ட்

புதன்கிழமை, 17 ஏப்ரல் 2019      தமிழகம்
madras-high-court 2017 7 17

சென்னை : வேலூர் பாராளுமன்ற தொகுதி தேர்தல் ரத்து செல்லும் என சென்னை ஐகோர்ட் உத்தரவிட்டு உள்ளது.

தேர்தல் ரத்து...

வேலூர் மாவட்டம் காட்பாடி உள்ளிட்ட பகுதிகளில் வருமான வரித்துறையினர் நடத்திய சோதனையில் கட்டுக்கட்டாக பணம் பறிமுதல் செய்யப்பட்டது. இந்த சோதனை தொடர்பாக தேர்தல் கமிஷனுக்கு வருமானவரித்துறை அறிக்கை அனுப்பி இருந்தது. இதனையடுத்து வேலூர் தொகுதி தேர்தல் ரத்து செய்யப்பட்டது.

ஐகோர்ட்டில் மனு...

இந்த நிலையில், தேர்தல் ரத்து செய்ததற்கு எதிராக சென்னை ஐகோர்ட்டில் வேலூர் தொகுதியில் அ.தி.மு.க. கூட்டணி சார்பாக போட்டியிடும் வேட்பாளர் ஏ.சி. சண்முகம் மனு தாக்கல் செய்தார். இந்த மனுவை நேற்று காலை ஐகோர்ட் விசாரித்தது. அப்போது, ஏ.சி. சண்முகம் தரப்பு வழக்கறிஞர், தவறிழைக்கும் வேட்பாளர் மற்றும் கட்சி மீதுதான் நடவடிக்கை எடுக்க வேண்டும். தேர்தல் ரத்து காரணமாக மக்களின் வரிப்பணம் வீணாகிறது என வாதிட்டார். தேர்தல் ஆணையம் தரப்பிலும் வாதங்கள் முன்வைக்கப்பட்டது.

ரத்து செல்லும்...

வாதங்கள் முடிந்த நிலையில், தீர்ப்பை சென்னை ஐகோர்ட் நேற்று மாலை 4.30 மணிக்கு ஒத்திவைத்தது. இதையடுத்து மாலை தீர்ப்பு அளித்த சென்னை ஐகோர்ட், வேலூர் தொகுதி தேர்தல் ரத்து செல்லும் என தீர்ப்பளித்தது.

உடற்பயிற்சியும் ஆரோக்கியமும் | என்றும் 16 | THINABOOMI

இழந்த சொத்து, பதிவி ஆகிவற்றை மீட்டு தரும் ஸ்ரீ ராமநவமி வழிபாடு | PARIGARA STHALANGAL | THINABOOMI

FIR முதல் தகவல் அறிக்கை பதிவு செய்வது எப்படி | How to file FIR | Indian Law | Thinaboomi

இதை ஷேர் செய்திடுங்கள்:

View all comments

வாசகர் கருத்து