காவலர் பதக்கம் 3 ஆயிரமாக அதிகரிப்பு - முதல்வர் எடப்பாடி பழனிசாமி அறிவிப்பு

காவலர் பதக்க எண்ணிக்கை 3 ஆயிரமாக உயர்த்தி வழங்கப்படும் என்று முதல்வர் எடப்பாடி பழனிசாமி அறிவித்துள்ளார்.

இது குறித்து தமிழக சட்டசபையில் அவர் வெளியிட்ட அறிவிப்பு வருமாறு:-

காவல் துறையினருக்கு பல்வேறு நலத் திட்டங்களை செயல்படுத்தி வருவதுடன், அவர்களுக்கு பணியின்போது ஏற்படும் மன அழுத்தத்தை கருத்தில் கொண்டு, அவர்களுக்கு வழங்கப்பட்டு வரும் பல்வேறு படிகளும் உயர்த்தி வழங்கப்பட்டு வருகின்றன. தமிழ்நாடு காவல் துறையில் பத்து ஆண்டுகள் எவ்வித தண்டனையுமின்றி பணிபுரிந்து வரும் காவலர் முதல் தலைமை காவலர் வரையிலான காவல் ஆளிநர்களுக்கு வழங்கப்பட்டு வரும் தமிழ்நாடு முதலமைச்சரின் காவலர் பதக்கம் தகுதி வாய்ந்த அனைவருக்கும் உடனடியாக கிடைக்கும் வகையில், இப்பதக்க எண்ணிக்கையை ஆண்டொன்றுக்கு  1,500லிருந்து 3,000 ஆக உயர்த்தி வழங்க உத்தரவிடப்பட்டுள்ளது. இவ்வாறு அவர்  தெரிவித்தார்.