முக்கிய செய்திகள்
Idhayam Matrimony

போக்குவரத்து துறை துருப்பிடித்துள்ளது சரிசெய்ய இன்னும் 3 மாதம் பிடிக்கும்: அமைச்சர் ராஜகண்ணப்பன் தகவல்

வெள்ளிக்கிழமை, 17 செப்டம்பர் 2021      தமிழகம்
Image Unavailable

போக்குவரத்துத் துறையே துருப்பிடித் துள்ளது. அதை சரிசெய்ய இன்னும் 3 மாதம் பிடிக்கும் என்று அத்துறையின் அமைச்சர் ராஜகண்ணப்பன் தெரிவித்தார்.

காரைக்குடியில் செய்தியாளர்களிடம் அவர் கூறியதாவது: 

ஆட்சி மாறும்போது தவறு செய்தவர்கள் தண்டிக்கப்படுவது உண்டு. தவறு செய்தவர்கள் மீது மட்டும்தான் குற்றச்சாட்டு எழுகிறது. குற்றவாளி இல்லை என்றால், அதை நிரூபிக்க வேண்டுமே தவிர அரசை குறை சொல்லக்கூடாது.

பேருந்தில் பெண்கள் இலவச பயணத்துக்காக தமிழக அரசு ரூ.1,400 கோடியை மானியமாக தந்துள்ளது. போக்குவரத்துக் கழகங்கள் ரூ.42,184 கோடி நஷ்டத்தில் இயங்கி வருகின்றன. போக்குவரத்துத் துறையே துருபிடித்துள்ளது. அதை சரி செய்ய இன்னும் 3 மாதங்கள் பிடிக்கும்.

ஜெர்மனி கடனுதவியின் மூலம் 2,215 சாதாரண பேருந்துகள், 500 எலக்ட்ரிக் பேருந்துகளை வாங்க முடிவு செய்யப்பட்டுள்ளது. போக்குவரத்துக் கழகங்களில் செலவுகளை குறைக்கும் நடவடிக்கையாக பேருந்துகளை சுத்தம் செய்யும் செலவு ரூ.68-ல் இருந்து ரூ.33 ஆக குறைத்துள்ளோம்.

 

நீட் தேர்வுக்கு தொடர்ந்து எதிர்ப்பு தெரிவித்து வருவது திமுக தான். கருணாநிதி, ஜெயலலிதா ஆகியோரின் ஆட்சிக் காலத்தில் தமிழகத்தில் நீட் தேர்வு இல்லை. பழனிசாமி ஆட்சியில்தான் நீட் தேர்வு வந்தது. தமிழகத்தில் நீட் தேர்வுக்கு விலக்கு பெற சட்டப் போராட்டம் தொடரும். இவ்வாறு அவர் கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து