17 முறை காரில் அடிபட்ட நாயகன்

ஸ்பைடர்மேன் நோ வே  ஹோம்  படத்தின் வெற்றியை தொடர்ந்து, தற்போது உலகம் முழுக்க பிரபல நட்சத்திரமாக மாறியிருப்பவர் ஹாலிவுட் நடிகர் டாம் ஹாலந்த். இப்போது இவர் நடித்து  வெளிவர உள்ள படம் அன்சார்டட். ஆங்கிலம், தமிழ், இந்தி தெலுங்கு ஆகிய நான்கு மொழிகளில் இந்த வாரம் வெள்ளியன்று இப்படம் வெளியாகிறது. அன்சார்டட் படத்தின் கதை ஒரு அட்வென்சர் பயணம் பற்றியதாகும். நாதன் டிரேக்,  சுல்லி சல்லிவன் இருவரும் ஒரு புதையலைத் தேடி பயணிக்கின்றனர். ஒரு சாதாரண  திருட்டு வேலையாக துவங்கும் இவர்களின் இந்த பயணம் மிகப்பெரும் அட்வென்சராக மாறுகிறது. இப்படத்தின் விமான ஸ்டண்ட் தான் மிகவும் பேசப்படக்கூடிய ஒன்று என்று கூறுகிறார் நாயகன் டாம் ஹாலந்த். மேலும் படப்பிடிப்பில் தன்னை ஒரு கார் மோதிய  நாள் மிகவும் மறக்க முடியாத நாளாக சிறந்த அனுபவமாக இருந்தது என்றார். இந்த திரைப்படத்தின் சண்டைக் காட்சிகளில் ஒரு  நாளில் மட்டும் நான் 17 முறை காரில் அடிபட்டடுள்ளேன் என்று கூறியுள்ளார்.