எம்.ஜெ ரமணன் இயக்கும் ஷூட்டிங் ஸ்டார்

ஸ்ரீநிதி ஆர்ட்ஸ் தயாரிப்பில் எம் ஜெ ரமணன் இயக்கத்தில் உருவாகும் நகைச்சுவை திரைப்படம் ஷூட்டிங் ஸ்டார். எம் ஜெ ரமணன், ஜானி டூகல், வினம்பர சாஸ்திரி ஆகிய மூவரும் இணைந்து இப்படத்தை தயாரிக்கின்றனர். துஷ்யந்த், விவேக் பிரசன்னா, சீனிவாச ரெட்டி, ரவி கிஷன், மாஷூம் சங்கர் ஆகியோர் இப்படத்தில் முக்கிய வேடங்களில் நடிக்கின்றனர். பல ஏமாற்றங்களை சந்தித்த ஒருவனை, அவனை சுற்றியுள்ளவர்கள் மேலும் மேலும் எப்படியெல்லாம் ஏமாளி ஆக்குகிறார்கள் என்பதே இப்படத்தின் கதை என்றும் ரசிகர்களை கவரும் வகையில் பல்வேறு அம்சங்கள் இப்படத்தில் இடம்பெறும் என்றும் தெரிவிக்கிறார் இயக்குனர் எம் ஜெ ரமணன். படத்துக்கு இசை அம்ஜத் நதிம் ஆமீர். ஒளிப்பதிவு எஸ் ஆர் சதீஷ்குமார்.  கலை இயக்குநராக சேத்தன் பாடக், எடிட்டராக சசிக்குமார், ஸ்டண்ட் மாஸ்டராக கனல் கண்ணன், நடன இயக்குராக விஷ்ணு தேவா ஆகியோர் இப்படத்தில் பணிபுரிகிறார்கள். படப்பிடிப்பு ஜூன் முதல் வாரத்தில் துவங்கி சென்னை, மும்பை, ஹைதராபாத் மற்றும் கஜுராஹோ பகுதிகளில் நடைபெற இருக்கிறது.