3 மாதங்களில் இல்லாத அளவுக்கு சிங்கப்பூரில் கொரோனா தொற்று புதிய உச்சம்

சிங்கப்பூரில் தினசரி கொரோனா தொற்று 3 மாதங்களில் இல்லாத புதிய உச்சத்தைத் தொட்டுள்ளது.

கடந்த 24 மணி நேரத்தில் மட்டும் அங்கு 11,504 பேருக்கு கொரோனா உறுதி செய்யப்பட்டுள்ளது. இது குறித்து சுகாதாரத் துறை அமைச்சா் ஆங் யே குங் கூறுகையில், கொரோனாவில் புதிய அலை எதிா்பாா்த்ததற்கு முன்பே எழுந்து விட்டதாகத் தெரிவித்தார். 

நாட்டில் தினசரி கொரோனா பாதிப்பு இனி வரும் நாள்களில் மேலும் அதிகரிக்கக்கூடும் என்று துணை பிரதமா் லாரன்ஸ் வாங் எச்சரித்துள்ளார். எனினும், இப்போதைக்கு கொரோனா கட்டுப்பாடுகளை கடுமையாக்க வேண்டிய தேவையில்லை எனவும் நோய்த்தடுப்பு விதிமுறைகளில் தேவைப்படும் நேரங்களில் உரிய மாற்றங்கள் செய்யப்படும் எனவும் அவர் தெரிவித்தார்.