முக்கிய செய்திகள்
Idhayam Matrimony

கொலீஜியம் அமைப்பு மிகவும் வெளிப்படை தன்மை கொண்டது: சுப்ரீம் கோர்ட் கருத்து

சனிக்கிழமை, 3 டிசம்பர் 2022      இந்தியா
Supreme-Court 2021 07 19

கொலீஜியம் மிகுந்த வெளிப்படைத்தன்மை கொண்ட அமைப்பு என்று சுப்ரீம் கோர்ட் தெரிவித்துள்ளது.

ஐகோர்ட் மற்றும் சுப்ரீம் கோர்ட் நீதிபதிகளை நியமிக்கவும், இடமாற்றம் செய்யவும் அதிகாரம் கொண்ட ஒற்றை அமைப்பு கொலீஜியம். சுப்ரீம் கோர்ட் தலைமை நீதிபதி தலைமையிலான இக்குழுவில், மூத்த நீதிபதிகள் 4 பேர் இடம் பெறுவர். இக்குழுவே கொலீஜியம் என அழைக்கப்படுகிறது. இந்த கொலீஜியம் முறைக்கு மத்திய அரசு எதிர்ப்பு தெரிவித்து வருகிறது. 

நீதிபதிகளே சக நீதிபதிகளை நியமித்துக் கொள்ளும் நடைமுறை சரியானது அல்ல என்று மத்திய சட்ட அமைச்சர் கிரண் ரிஜ்ஜூ கூறி வருகிறார். நீதிபதிகளை நியமிக்கும் விஷயத்தில் மத்திய அரசுக்கும் பங்கு இருக்க வேண்டும் என்றும் அவர் வலியுறுத்தி வருகிறார். இது தொடர்பான வழக்கை விசாரணைக்கு எடுத்துக் கொள்வதாக சுப்ரீம் கோர்ட் தலைமை நீதிபதி சந்திரசூட் அறிவித்துள்ளார்.

இதனிடையே, சுப்ரீம் கோர்ட் முன்னாள் தலைமை நீதிபதி ரஞ்சன் கோகாய் எழுதிய புத்தகத்தில், கடந்த 2018-ம் ஆண்டு டிசம்பர் மாதம் நடைபெற்ற கொலீஜியம் கூட்டத்தில், அப்போதைய ராஜஸ்தான் தலைமை நீதிபதியாக இருந்த பிரதீப் நந்ரஜோக், டெல்லி ஐகோர்ட் தலைமை நீதிபதியாக இருந்த ராஜேந்திர மேனன் ஆகிய இருவரையும் சுப்ரீம் கோர்ட் தலைமை நீதிபதியாக நியமிக்க ஒப்புக்கொள்ளப்பட்டதாக தெரிவித்துள்ளார். எனினும், இந்த தகவல் முன்கூட்டியே வெளியானதை அடுத்து, 2019, ஜனவரி 10-ம் தேதி மீண்டும் கூடிய புதிய கொலீஜியம் கூட்டத்தில் முந்தைய முடிவை நிறுத்தி வைப்பதற்கான தீர்மானம் நிறைவேற்றப்பட்டதாகவும் அவர் குறிப்பிட்டுள்ளார்.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து