முக்கிய செய்திகள்
Idhayam Matrimony

போப் ஆண்டவருக்கு நடந்த அறுவை சிகிச்சை வெற்றி : 18-ம் தேதி வரை சந்திப்புகள் ரத்து

வெள்ளிக்கிழமை, 9 ஜூன் 2023      உலகம்
Pope-Francis 2023 04 02

Source: provided

ரோம் : போப் ஆண்டவருக்கு நடந்த அறுவை சிகிச்சை வெற்றி பெற்றுள்ளது என்று ஜெமெல்லி ஆஸ்பத்திரியின் இயக்குனர் டாக்டர் செர்ஜியோ அல்பீரி தெரிவித்தார். மேலும் அவரது சந்திப்புகள் அனைத்தும் 18-ம் தேதி வரையில் ரத்து செய்யப்பட்டுள்ளதாக வாடிகன் தெரிவித்துள்ளது.

உலக கத்தோலிக்க கிறிஸ்தவ மதத்தின் தலைவரான போப் ஆண்டவர் பிரான்சிஸ்(86), சமீப காலமாக கடுமையான வலியாலும், குடல் அடைப்புகளாலும் அவதிப்பட்டு வந்தார். அவர் ரோமில் உள்ள ஜெமெல்லி ஆஸ்பத்திரியில் 2 தினங்களுக்கு முன்பு மருத்துவ பரிசோதனை செய்து கொண்டார். 

அப்போது அவர் குடல் அறுவை சிகிச்சை செய்து கொள்ளுமாறு டாக்டர்கள் பரிந்துரைத்தனர்.  அதன் பேரில் கடந்த புதன் கிழமை அவர் அந்த ஆஸ்பத்திரியில் சேர்க்கப்பட்டார். அவருக்கு மயக்க மருந்து கொடுத்து, ஏற்கனவே முன்பு செய்து கொண்ட அறுவை சிகிச்சையினால் ஏற்பட்ட காயத்திசுவை நீக்கவும், குடல் இறக்கத்தை சரி செய்யவும் அறுவை சிகிச்சை செய்யப்பட்டது. இந்த அறுவை சிகிச்சை 3 மணி நேரம் நடந்தது. 

அறுவை சிகிச்சைக்குப் பின்னர் போப் ஆண்டவர் இரவில் நிம்மதியாகத் தூங்கினார். நேற்று முன்தினம் வழக்கம் போல கண்விழித்தார். இந்த தகவலை வாடிகன் செய்தி தொடர்பாளர் மேத்தியோ புருனி தெரிவித்தார். 

போப் ஆண்டவருக்கு நடந்த அறுவை சிகிச்சை தொடர்பாக ரோம் ஜெமெல்லி ஆஸ்பத்திரியின் வயிறு மற்றும் நாளமில்லா அறிவியல்கள் துறையின் இயக்குனர் டாக்டர் செர்ஜியோ அல்பீரி கூறுகையில்,  

போப் ஆண்டவருக்கு நடந்த அறுவை சிகிச்சை வெற்றி பெற்றுள்ளது. அவருக்கு எந்தச் சிக்கலும் இல்லை. வேறு நோய் எதுவும் கண்டறியப்படவில்லை. அவர் கண் விழித்தார். உஷாராக இருக்கிறார். அடுத்த அறுவை சிகிச்சையை எப்போது வைத்துக் கொள்ளலாம் என்று தமாஷ் கூட செய்கிறார் என தெரிவித்தார். 

போப் ஆண்டவர் ரோம் ஜெமெல்லி ஆஸ்பத்திரியில் 10-வது மாடியில் உள்ள அவருக்கான சிறப்பு அறையில் மேலும் பல நாட்கள் தங்கி இருப்பார் என தகவல்கள் தெரிவிக்கின்றன. அவரது சந்திப்புகள் அனைத்தும் 18-ம் தேதி வரையில் ரத்து செய்யப்பட்டுள்ளதாக வாடிகன் தெரிவித்துள்ளது. 

போப் ஆண்டவருக்கு கடந்த 2021-ம் ஆண்டு ஏற்கனவே பெருங்குடலில் 33 செ.மீ.அளவுக்கு வெட்டி அகற்றப்பட்டது குறிப்பிடத்தக்கது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 10 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 10 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 11 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 11 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 1 month ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 1 month ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.