அறிமுக இயக்குநர் ராகுல் ஆர். கிருஷ்ணா இயக்கத்தில் தற்போது வெளியாகி இருக்கும் படம் ஐமா. இப்படத்தில் யூனஸ், எல்வின் ஜூலியட், அகில் பிரபாகரன், ஷாஜி வீரா, மேகா மாலு மனோகரன், படத்தின் தயாரிப்பாளரான சண்முகம் ராமசாமி உள்ளிட்ட பலர் நடித்திருக்கிறார்கள். சர்வைவல் திரில்லர் ஜேனரில் வெளியாகி இருக்கும் இந்த திரைப்படத்தில் தற்கொலை செய்து கொள்ளக் கூடாது என்பதனை எதிர் நிலை கோணத்தில் சொல்லப்பட்டிருக்கிறது. மேலும் மருத்துவ துறையில் நடைபெறும் குற்ற சம்பவம் ஒன்றும் இப்படத்தில் இடம்பெற்றுள்ளது. ஐமா என்றால் கடவுளின் வலிமை என பொருள். மொத்தத்தில் இப்படம் அனைத்து தரப்பு ரசிகர்களையும் கவரும் வகையில் உருவாகி இருக்கிறது.