மழை நேரத்தில் மின் கம்பம் அருகே போக வேண்டாம் : மக்களுக்கு மின்சார வாரியம் எச்சரிக்கை

சென்னை : மிக்ஜாம் புயல் காரணமாக சென்னையில் கனமழை எச்சரிக்கை விடுத்துள்ள நிலையில், பொது மக்கள் பாதுகாப்பான வழிமுறைகளை கடைபிடிப்பது குறித்து மின்சார வாரியம் சார்பில் வழிகாட்டுதலை வெளியிட்டு உள்ளது. 

மின்கசிவு, மின் அதிர்ச்சி தொடர்பான புகார்களுக்கு மின் வாரியத்தின் சேவை மையத்தை உடனே அணுக வேண்டும். மின் கம்பிகள் அறுந்து கிடக்கும் பகுதிகள், கம்பங்கள், பில்லர் பாக்ஸ், டிரான்ஸ்பார்மர் இருக்கும் பகுதிகளுக்கு அருகே செல்ல வேண்டாம். மின் கம்பங்கள் மற்றும் மின் சாதனங்களுக்கு அருகே தேங்கி கிடக்கும் தண்ணீரில் நடப்பதை தவிர்க்க வேண்டும்.

தாழ்வாக செல்லும் மின் வயர்கள் அருகில் செல்வதையும், தொடுவதையும் தவிர்க்க வேண்டும் எனக்கூறியுள்ளது.