முக்கிய செய்திகள்
Idhayam Matrimony

மிக்ஜாம் புயல்: பல்லாவரம், பம்மல், அனகாபுத்தூரில் முதல்வர் மு.க. ஸ்டாலின் ஆய்வு

வியாழக்கிழமை, 7 டிசம்பர் 2023      தமிழகம்
CM-2-2023-12-07

சென்னை, மிக்ஜாம் புயல் வெள்ள  பாதிப்புகள் குறித்து நேற்று 3-வது நாளாக பல்லாவரம், பம்மல், அனகாபுத்தூர் பகுதிகளில் முதல்வர் மு.க. ஸ்டாலின் ஆய்வு மேற்கொண்டார். அப்போது முகாமில் பொதுமக்களுக்கு பல்வேறு நிவாரண உதவி பொருட்களை அவர் வழங்கினார். 

மிக்ஜாம் புயல் சென்னை, காஞ்சிபுரம், செங்கல்பட்டு, திருவள்ளூர் மாவட்டங்களில் பெரும் சேதத்தை ஏற்படுத்தி விட்டது. சென்னை மற்றும் புறநகரில் வெள்ளத்தால் பாதிக்கப்பட்ட பகுதிகளுக்கு முதல்வர் மு.க.ஸ்டாலின் நேரில் சென்று பாதிக்கப்பட்ட மக்களுக்கு நிவாரண பொருட்களை வழங்கி வருகிறார். 

நேற்று முன்தினம் 2-வது நாளாக தரமணி, துரைப்பாக்கம் பகுதிகளுக்கு சென்று முதல்வர் மு.க. ஸ்டாலின் நிவாரண பொருட்களை வழங்கினார். நேப்பியர் பாலம் அருகே கூவம் ஆற்றின் முகத்துவாரம் பகுதிக்கும் சென்று பார்வையிட்டார். 

நேற்று 3-வது நாளாக முதல்வர் மு.க.ஸ்டாலின் பல்லாவரம் பகுதிக்கு சென்று வெள்ள பாதிப்புகளை பார்வையிட்டார். பல்லாவரம், பம்மல் வழியாக அனகாபுத்தூர் சென்று வெள்ள பாதிப்புகளை பார்வையிட்டார். கனமழையால் பாதிக்கப்பட்ட மக்களுக்கு அனகாபுத்தூரில் ஏற்பாடு செய்திருந்த நிவாரண முகாமில் முதல்வர் மு.க.ஸ்டாலின் பொதுமக்களுக்கு போர்வை, வேட்டி, சேலை, அரிசி, பிரட், மளிகை பொருட்கள், பால் மற்றும் சாப்பாடும் வழங்கினார்.

அப்போது முதல்வர் மு.க.ஸ்டாலினிடம்  அமைச்சர்கள் தா.மோ.அன்பரசன் , சக்கரபாணி, பல்லாவரம் சட்டமன்ற உறுப்பினர் இ.கருணாநிதி ஆகியோர் வெள்ள பாதிப்பு குறித்து எடுத்துக் கூறினர். 

இந்த நிகழ்ச்சியில் தாம்பரம் எஸ்.ஆர்.ராஜா எம்.எல்.ஏ., கலெக்டர் ராகுர் நாத், தாம்பரம் மேயர் வசந்தகுமாரி, துணை மேயர் கோ.காமராஜ், தி.மு.க. பகுதி செயலாளர்கள் நரேஷ்கண்ணா, வே.கருணாநிதி, பல்லாவரம் இ.ஜோசப் அண்ணாதுரை மற்றும் பலர் கலந்து கொண்டனர். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 1 month 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 5 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 6 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 6 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 7 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 7 months 4 days ago
View all comments

வாசகர் கருத்து