பயணம் நிறைவு: அமெரிக்காவில் இருந்து புறப்பட்டார் முதல்வர் மு.க.ஸ்டாலின்

வாஷிங்டன், 19 நாட்கள் அரசுமுறை பயணத்தை முடித்து கொண்டு முதல்வர் மு.க. ஸ்டாலின் அமெரிக்காவில் இருந்து புறப்பட்டார்.  

தமிழகத்திற்கு அதிக அளவிலான தொழில் முதலீடுகளை ஈர்ப்பதற்காக முதல்வர் மு.க.ஸ்டாலின், 19 நாட்கள் அரசு முறை பயணமாக கடந்த ஆகஸ்ட் 27-ம் தேதி அமெரிக்காவிற்கு பயணம் மேற்கொண்டார். இப்பயணத்தின் போது முதல்வர் முன்னிலையில் அமெரிக்கா சான்பிரான்சிஸ்கோ மற்றும் சிகாகோவில் உலகின் 16 முன்னணி நிறுவனங்களுடன் ரூ.7,016 கோடி முதலீட்டிற்கான புரிந்துணர்வு ஒப்பந்தங்கள் மேற்கொள்ளப்பட்டன. 

அதோடு, உலகளவில் பல்வேறு முன்னணி நிறுவனங்களின் உயர் அலுவலர்களை அவர் சந்தித்து தமிழ்நாட்டில் புதிய தொழில் முதலீடுகளை மேற்கொள்ள அழைப்பு விடுக்கப்பட்டுள்ளது.  

முதல்வரின் அமெரிக்க பயணத்தின் மூலமாக 18 நிறுவனங்களுடன் ரூ.7,616 கோடி முதலீட்டுக்காக ஒப்பந்தம் கையெழுத்து கையெழுத்தாகி உள்ளது. இந்நிலையில் அமெரிக்க பயணத்தை வெற்றிகரமாக முடித்துக் கொண்டு சிகாகோ விமான நிலையத்தில் இருந்து முதல்வர் மு.க. ஸ்டாலின் புறப்பட்டார்.