முக்கிய செய்திகள்
Idhayam Matrimony

டிரோன் மூலம் புதின் வீட்டை தாக்க முயற்சி: தொலைபேசியில் விசாரித்த ட்ரம்ப்

செவ்வாய்க்கிழமை, 30 டிசம்பர் 2025      உலகம்
Putin 2024 08 11

மாஸ்கோ, ரஷ்ய அதிபர் புதின் வீட்டை குறிவைத்து தாக்குதல் நடத்தப்பட்டதாக கூறப்படும் நிலையில் அமெரிக்க அதிபர் ட்ரம்ப், புதினிடம் தொலைபேசியில் பேசினார். அப்போது நடந்த நிகழ்வு அதிர்ச்சி அளிப்பதாகவும், அமைதியான முறையில் தீர்வு காண ஜெலன்ஸ்கியிடம் அறிவுறுத்தியதாகவும் ட்ரம்ப் தெரிவித்தார்.

நேட்டோ அமைப்பில் இணைய முயன்ற உக்ரைன் மீது 2022-ல் ரஷ்யா போர் தொடுத்தது. 4 ஆண்டுகளை நெருங்கி வரும் நிலையில் இந்த போர் தொடர்ந்து நடைபெற்று வருகிறது. இதனையடுத்து அமெரிக்க ஜனாதிபதி ட்ரம்ப் தலையிட்டு இரு நாடுகளின் தலைவர்களிடமும் தனித்தனியே பேச்சுவார்த்தை நடத்தினார்.

அப்போது போர் நிறுத்தம் தொடர்பாக 20 அம்ச ஒப்பந்தம் ஒன்றை ட்ரம்ப் முன்மொழிந்தார். ஆனால் அவற்றில் பெரும்பாலானவை ரஷ்யாவுக்கு சாதகமாக இருப்பதாக உக்ரைன் தரப்பு கூறியது. குறிப்பாக போரில் கைப்பற்றிய பகுதிகளை திரும்ப ஒப்படைக்க முடியாது என ரஷ்ய அதிபர் விளாடிமிர் புதின் கூறினார்.

இதனால் போர் நிறுத்த ஒப்பந்தத்தை உக்ரைன் நிராகரித்தது. இதனால் போர் நிறுத்தம் தொடர்பாக எவ்வித உடன்பாடும் எட்டப்படவில்லை. இதனையடுத்து உக்ரைன் மீதான போரை ரஷ்யா மேலும் தீவிரப்படுத்தியது. அதன்படி இரு நாடுகளும் பரஸ்பரம் சரமாரி தாக்குதலில் ஈடுபட்டு வருகின்றன.

இதற்கிடையில், ரஷ்ய தலைநகர் மாஸ்கோவிற்கு வடக்கே உள்ள நோவ்கோரோட் பிராந்தியத்தில் அந்த நாட்டு அதிபர் விளாடிமிர் புதினின் கிராமப்புற இல்லம் உள்ளது. நேற்று முன்தினம் அதிகாலையில் இந்த வீடு மீது தாக்குதல்கள் நடத்தும் வகையில் டிரோன்கள் பறந்துவந்தன.

இதையடுத்து அங்கு பாதுகாப்புக்கு நின்ற ராணுவத்தினர் டிரோன்களுக்கு பதிலடி கொடுத்தனர். அனைத்து டிரோன்களும் சுட்டு வீழ்த்தப்பட்டதாக பாதுகாப்பு அதிகாரிகள் தெரிவித்தனர். டிரோன்கள் எந்த சேதத்தையும் ஏற்படுத்தவில்லை என்றும் அமெரிக்க ஜனாதிபதி டொனால்டு் ட்ரம்பின் குழுவுடன் அமைதிப் பேச்சுவார்த்தைகள் தொடரும் என்று ரஷ்ய வெளியுறவுத்துறை தெரிவித்துள்ளது.

இந்த நிலையில், ரஷ்ய அதிபர் புதின் வீட்டை குறிவைத்து தாக்குதல் நடத்தப்பட்டதாக கூறப்படும் நிலையில் அமெரிக்க அதிபர் ட்ரம்ப், புதினிடம் தொலைபேசியில் பேசினார். அப்போது நடந்த நிகழ்வு அதிர்ச்சி அளிப்பதாகவும், அமைதியான முறையில் தீர்வு காண ஜெலன்ஸ்கியிடம் அறிவுறுத்தியதாகவும் ட்ரம்ப் தெரிவித்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 7 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 7 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 9 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 9 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.