இலங்கை கடற்படை தொடர்ந்து அட்டூழியம் மீனவர்கள் விரட்டியடிப்பு

ராமேஸ்வரம், ஜூன் - 19 - நடுக்கடலில் மீன்பிடித்த ராமேஸ்வரம் பகுதி மீனவர்களை சிங்கள கடற்படையினர் மீன்பிடிக்க விடாமல் மிரட்டியதாக கரை திரும்பிய மீனவர்கள் புகார் தெரிவித்தனர். ராமேஸ்வத்தில் இருந்து நேற்று முன்தினம் சுமார் 800 விசைப்படகுகளில் மீனவர்கள் மீன்பிடிக்கச் சென்றனர். இப்படகுகள் நடுக்கடலில் மீன்பிடித்துக்கொண்டிருந்தபோது சூறாவளி காற்றினால் கடல் கொந்தளிப்பு ஏற்பட்டு ராட்சத அலைகள் ஏற்பட்டது. அப்போது சிங்கள கடற்படையினர் அங்கு ரோந்து வந்தனர். பின்னர் தமிழக மீனவர்களை மீன்பிடிக்க விடாமல் துப்பாக்கியைக் காட்டி மிரட்டியுள்ளனர். இதனால் மீனவர்கள் தொடர்ந்து மீன் பிடிக்க முடியாமல் ஏமாற்றத்துடன் கரை திரும்பினர். இதனால் தங்களுக்கு பெரும் நஷ்டம் ஏற்பட்டதாக மீனவர்கள் தெரிவித்தனர்.