கோச்சடையானில் இரட்டை வேடத்தில் ரஜினிகாந்த்

சென்னை, ஏப். 24 - கோச்சடையான் படத்தில் இரட்டை வேடங்களில் ரஜினி நடித்திருப்பது தெரியவந்துள்ளது. இப்படத்தின் டைரக்டரான ரஜினியின் மகள் சவுந்தர்யா தனது அதிகாரபூர்வமான இணையதளத்தில் இதனை வெளியிட்டுள்ளார். வரலாற்றை தழுவி எடுக்கப்படும் இப்படத்தில் அப்பா, மகன் வேடத்தில் ரஜினி நடிக்கிறார். சவுந்தர்யா இயக்கும் இந்த படத்தில் மோஷன் கேப்சர் 3 டி தொழில்நுட்பம் அறிமுகப்படுத்தப்பட்டுள்ளது. ரஜினிக்கு ஜோடியாக தீபிகா படுகோனே, ஷோபனா ஆகியோர் நடிக்கின்றனர். சரத்குமார், ஆதி, ஜாக்கிஷெராப் உள்ளிட்டோர் முக்கிய வேடங்களில் நடிக்கின்றனர். தற்போது டப்பிங் பணிகள் நடந்து வருவதாகவும், விரைவில் இப்படம் அதாவது வரும் ஜூலையில் உலகம் முழுவதும் வெளியாகும் என்றும் தெரிகிறது. 2010 ம் ஆண்டில் வெளிவந்த எந்திரன் படத்தில் ரஜினிகாந்த் இரட்டை வேடத்தில் தோன்றினார் என்பது குறிப்பிடத்தக்கது.