நிர்வாகிகள் மறைவிற்கு ஜெயலலிதா இரங்கல்

புதன்கிழமை, 23 பெப்ரவரி 2011      அரசியல்
Jaya 3

 

சென்னை, பிப்.23 - அ.தி.மு.க. நிர்வாகிகள் மறைவிற்கு அக்கட்சியின் பொதுச் செயலாளர் ஜெயலலிதா இரங்கல் தெரிவித்துள்ளார். இதுகுறித்து அவர் வெளியிட்டுள்ள இரங்கல் செய்தியில் கூறியிருப்பதாவது:- திருவாரூர் மாவட்ட எம்.ஜி.ஆர். மன்ற பொருளாளர் மு.அப்துல்லா, தஞ்சாவூர் வடக்கு மாவட்டம் திருவையாறு ஒன்றியம் கோனேரிராஜபுரம் ஊராட்சி மன்ற தலைவர் சி.கணபதி, நாகப்பட்டினம் மாவட்டம் செம்பனார்கோயில் வடக்கு ஒன்றியம் ஆக்கூர் ஊராட்சி அ.தி.மு.க. செயலாளர் டி.ராமதாஸ், சேலம் புறநகர் கிழக்கு மாவட்டம் கெங்கவல்லி ஒன்றியம் மும்முடியான் கோயில் கிளை செயலாளர் ஆ.ராஜீ ஆகியோர் மரணமடைந்து விட்டனர் என்ற செய்தி கேட்டும் மிகுந்த வருத்தமுற்றேன். 

அன்பு சகோதரர்கள் அப்துல்லா, கணபதி, ராமதாஸ் மற்றும் ராஜீ ஆகியோரை இழந்து வாடும் அவர்களது குடும்பத்தினருக்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்வதுடன், மரணமடைந்தோர்களது ஆன்மா இறைவன் திருவடி நிழலில் அமைதி பெற எல்லாம் வல்ல இறைவனை பிரார்த்திக்கிறேன். இவ்வாறு ஜெயலலிதா தனது இரங்கல் செய்தியில் கூறியுள்ளார்.

இதை ஷேர் செய்திடுங்கள்: