படுக்கை அறைக்குள் கிரிக்கெட் வீரருடன் தூங்கிய முதலை

லண்டன், செப்.19  - வீட்டு படுக்கை அறைக்குள் புகுந்து, கிரிக்கெட்  வீரருடன் முதலை தூங்கியது. ஜிம்பாப்வேயில் உள்ள தனியார் நிறுவனத்தில் பணியாற்றி வருபவர் ஹைவெட்டல். இவர் முன்னாள் கிரிக்கெட் வீரர். இவர் துர்க்வே ஆற்றிலிருந்து 2 கி.மீ. தொலைவில்  உள்ள  அலுவலகத்தோடு குடியிருப்பை அமைத்து வசித்து வருகிறார். இவர் தனது பணிகளை முடித்து விட்டு படுக்கையறையில் தூங்கி உள்ளார். அப்போது அவரது படுக்கை அறைக்குள் 8 அடி நீளமுள்ள முதலை புகுந்து அவருடன் தூங்கியது. இவர் வீட்டை சுத்தம் செய்யும் பெண் வந்தார். அவர் முதலையைப் பார்த்ததும் அலறினார்.உடனடியாக மீட்பு படையினருக்கு தகவல் தெரிவிக்கப்பட்டது. அவர்கள் வந்து முதலையை பிடித்தனர். இந்த முதலையின் எடை 150 கிலோ வாகும்.