சென்னை, மே.- 16  - 3வது முறையாக தமிழகத்தின் முதலமைச்சராக பதவியேற்கும் அ.தி.மு.க. பொதுச்செயலாளர் ஜெயலலிதாவின் தலைமையில் 34 பேர் கொண்ட அமைச்சரவை இன்று பதவியேற்கிறது. கவர்னர் பர்னாலா இன்று பகல் 12.15 மணிக்கு பதவியேற்பு பிரமாணமும் ரகசிய காப்பு பிரமாணமும் செய்து வைக்கிறார்.
அமைச்சர்கள் பட்டியல் விவரம் வருமாறு: 1. ஜெ.ஜெயலலிதா(ஸ்ரீரங்கம்)- முதலமைச்சர் -பொதுத்துறை, ஐ.ஏ.எஸ்., ஐ.பி.எஸ்., ஐ.எப்.எஸ்., மாவட்ட வருவாய் அதிகாரிகள்,  போலீஸ் மற்றும் உள்துறை.
2. ஓ.பன்னீர்செல்வம்(போடிநாயக்கனூர்)-நிதியமைச்சர்-நிதித்துறை, திட்டம், சட்டமன்றம், தேர்தல் மற்றும் பாஸ்போர்ட். 3. கே.ஏ.செங்கோட்டையன்(கோபிசெட்டிபாளையம்)-விவசாயத்துறை அமைச்சர்-விவசாயம், விவசாய தொழில்நுட்பம், சர்க்கரைத்துறை, தரிசுநிலமேம்பாடு.
4. நத்தம் ஆர்.விஸ்வநாதன்(நத்தம்)-மின்துறை மற்றும் கலால்துறை அமைச்சர்-மின்சாரம், மரபுசாரா எரிசக்தி மேம்பாடு, கலால்துறை.
5. கே.பி.முனுசாமி(கிருஷ்ணகிரி)-உள்ளாட்சி மற்றும் ஊரகமேம்பாட்டுத்துறை அமைச்சர்-உள்ளாட்சித்துறை மற்றும் ஊரக மேம்பாட்டுத்துறை, பஞ்சாயத்து, ஊரக குடிநீர் திட்டம்.
6. சி.சண்முகவேலு(மடத்துக்குளம்)-தொழில்துறை அமைச்சர்-தொழில் நிறுவனங்கள், ஸ்டீல் கட்டுப்பாடு, சுரங்கம் மற்றும் தாதுப்பொருள்கள் துறை.
7. ஆர்.வைத்திலிங்கம்(ஒரத்தநாடு)-வீட்டு வசதி மேம்பாட்டு துறை அமைச்சர்-வீட்டுவசதி, ஊரக வீட்டுவசதி மற்றும் மேம்பாட்டு துறை, குடிசை மாற்றுவாரியம், நகர அபிவிருத்தி திட்டம், சி.எம்.டி.ஏ.
8. அக்ரி. எஸ்.எஸ்.கிருஷ்ணமூர்த்தி(கலசபாக்கம்)-உணவுத்துறை அமைச்சர்-உணவு, சிவில் சப்ளைஸ், நுகர்வோர் பாதுகாப்பு, விலை கட்டுப்பாடு.
9. சி.கருப்பசாமி(சங்கரன்கோவில்)-கால்நடை பராமரிப்புதுறை அமைச்சர்-கால்நடை பராமரிப்புத்துறை, பால்வளத்துறை.
10. பி.பழனியப்பன்(பாப்பிரெட்டிபட்டி)-உயர்கல்வித்துறை அமைச்சர்-உயர்கல்வித்துறை, மின்னணுவியல், அறிவியல் மற்றும் தொழில்நுட்பம்.
11. சி.வி.சண்முகம்(விழுப்புரம்)-பள்ளிக்கல்வித்துறை அமைச்சர்-பள்ளிக்கல்வித்துறை மற்றும் தொல்லியல்.
12. செல்லூர் கே.ராஜு(மதுரை மேற்கு)-கூட்டுறவுத்துறை அமைச்சர்-கூட்டுறவுத்துறை, புள்ளியியல் மற்றும் முன்னாள் ராணுவத்தினர் நலத்துறை.
13. கே.டி.பச்சம்மாள்(கன்னியாகுமரி)-வனத்துறை அமைச்சர்-வனத்துறை மற்றும் காடுவளர்ப்புத்துறை.
14. எடப்பாடி கே.பழனிச்சாமி(எடப்பாடி)-நெடுஞ்சாலை மற்றும் சிறு துறைமுகங்கள் அமைச்சர்-நெடுஞ்சாலை மற்றும் சிறு துறைமுகங்கள்.
15. எஸ்.பி.சண்முகநாதன்(ஸ்ரீவைகுண்டம்)-இந்து அறநிலையத்துறை அமைச்சர்-இந்து அறநிலையத்துறை, தமிழ் கலாச்சாரம்.
16. கே.வி.ராமலிங்கம்(ஈரோடு மேற்கு)-பொதுப்பணித்துறை அமைச்சர்-பொதுப்பணித்துறை, நீர்ப்பாசனம், திட்டப்பணிகள்.
17. எஸ்.பி.வேலுமணி(தொண்டாமுத்தூர்)-சிறப்பு திட்ட பணிகள் அமைச்சர்-தேர்தல் அறிக்கை குறித்த சிறப்பு திட்ட பணிகள்.
18. டி.கே.எம்.சின்னையா(தாம்பரம்)-பிற்படுத்தப்பட்டோர் நலத்துறை அமைச்சர்-பிற்படுத்தப்பட்டோர், மிகவும் பிற்படுத்தப்பட்டோர், சீர்மரபினர், வெளிநாடுவாழ் இந்தியர்கள், அகதிகள் துறை.
19. எம்.சி.சம்பத்(கடலூர்)-ஊரக தொழில்துறை அமைச்சர்-ஊரக தொழில்துறை, சிறு, குறு தொழில்கள்.
20. பி.தங்கமணி(குமாரபாளையம்)-வருவாய்த்துறை அமைச்சர்-வருவாய், மாவட்ட வருவாய் மேம்பாடு, துணை கலெக்டர்கள், எடை பொருட்கள், சிட் பண்ட் மற்றும் கம்பெனிகள் பதிவு.
21. ஜி.செந்தமிழன்(சைதாப்பேட்டை)-செய்தி மற்றும் விளம்பரத்துறை அமைச்சர்-செய்தி மற்றும் விளம்பரத்துறை, ஊடகத்துறை, அச்சு மற்றும் எழுதுபொருள், அரசு அச்சகங்கள், சினிமா துறை.
22. எஸ்.கோகுலஇந்திரா(அண்ணாநகர்)-வணிக வரித்துறை  அமைச்சர்-வணிகவரித்துறை மற்றும் பத்திரப்பதிவு.
23. செல்வி ராமஜெயம்(புவனகிரி)-சமூகநலத்துறை அமைச்சர்-சமூக நலம், பெண்கள் மற்றும் குழந்தைகள் நலம், சத்துணவு, ஆதரவற்றோர் இல்லம்.
24. பி.வி.ரமணா(திருவள்ளூர்)-கைத்தறித்துறை அமைச்சர்-கைத்தறி, காதி கிராம கைத்தறி துறை.
25. ஆர்.பி.உதயகுமார்(சாத்தூர்)-தகவல் தொழில்நுட்பதுறை அமைச்சர்-தகவல் தொழில்நுட்ப துறை.
26. என்.சுப்பிரமணியம்(கந்தர்வகோட்டை)-ஆதி திராவிடர் நலத்துறை அமைச்சர்-ஆதி திராவிடர் நலத்துறை, மலைவாழ் மக்கள்,கொத்தடிமைகள் நலத்துறை.
27. வி.செந்தில்பாலாஜி(கரூர்)-போக்குவரத்து துறை-போக்குவரத்து துறை, மோட்டார் வாகனங்கள் சட்டம்.
28. என்.மரியம் பிச்சை(திருச்சி மேற்கு)-சுற்றுச்சூழல் துறை அமைச்சர்-சுற்றுச்சூழல் மற்றும் மாசு கட்டுப்பாடு, சிறுபான்மையினர் நலப்பிரிவு, வக்பு வாரியம்.
29. கே.ஏ.ஜெயப்பால்(நாகப்பட்டினம்)-மீன்வளத்துறை அமைச்சர்-மீன்வளத்துறை மற்றும் மீனவர்கள் மேம்பாட்டு கழகம்.
30. ஈ.சுபையா(அம்பாசமுத்திரம்)-சட்டத்துறை  அமைச்சர்-சட்டம், நீதிமன்றம் மற்றும் சிறைகள், நிர்வாக சீரமைப்பு.
31. புத்திசந்திரன்(உதகமண்டலம்)-சுற்றுலாத்துறை அமைச்சர்-சுற்றுலா, சுற்றுலா மேம்பாட்டு கழகம்.
32. எஸ்.டி.செல்லபாண்டியன்(தூத்துக்குடி)-தொழிலாளர் துறை அமைச்சர்-தொழிலாளர், மக்கள் தொகை, நகர்ப்புற மற்றும் ஊரக வேலைவாய்ப்பு, தொழிலாளர் நலம் மற்றும் பயிற்சி, செய்தித்தாள் கட்டுப்பாடு.
33. டாக்டர் வி.எஸ்.விஜய்(வேலூர்)-சுகாதாரத்துறை அமைச்சர்-சுகாதாரம், மருத்துவ கல்வி மற்றும் குடும்பநலத்துறை.
34. என்.ஆர்.சிவபதி(முசிறி)-விளையாட்டு மற்றும் இளைஞர் நலத்துறை அமைச்சர்-விளையாட்டு மற்றும் இளைஞர் நலத்துறை.
தி.மு.க. அமைச்சரவையில் சபாநாயகராக பொறுப்பு வகித்த ஆவுடையப்பனை வீழ்த்திய ஈ.சுப்பையாவுக்கு சட்டத்துறையும், உயர்கல்வித்துறை அமைச்சரான க.பொன்முடியை வீழ்த்திய சி.வி.சண்முகத்திற்கு பள்ளி கல்வித்துறையும் நியமிக்கப்பட்டுள்ளனர்.
அ.தி.மு.க.வின் தேர்தல் வாக்குறுதிகளை நிறைவேற்றுவதற்காகவே புதிய துறை உருவாக்கப்பட்டு அதற்கு எஸ்.பி.வேலுமணி அமைச்சராக நியமிக்கப்பட்டுள்ளார் என்பது குறிப்பிடத்தக்கது.