பழனி உண்டியல் வசூல் ரூ. ஒரு கோடியே 17 லட்சம்

பழனி,பிப்.27 - பழனி முருகன் மலைக் கோயில் உண்டியல் வசூலாக ரூ ஒரு கோடியே 17 லட்சம் கிடைத்துள்ளது. உண்டியல் வசூல் எண்ணிக்கை கடந்த 4 ம் தேதி முதல் கடந்த 24 ம் தேதி வரை நடைபெற்றது. இதில் பணமாக ரூ ஒரு கோடியே 17 லட்சத்து 60 ஆயிரத்து 823 ம், தங்கமாக ஆயிரத்து 55 கிராமும், வெள்ளி 6 ஆயிரத்து 345 கிராமும், மற்றும் வெளிநாட்டு கரன்சிகளும் கிடைத்தன. இதில் கோயில் நிர்வாக அதிகாரி ராஜமாணிக்கம், துணை ஆணையர் மங்கையர்கரசி, உதவி ஆணையர் நடராஜன், திண்டுக்கல் உதவி ஆணையர் பச்சையப்பன், அறங்காவலர் குழு தலைவர் பிரதிநிதி பொன்னுச்சாமி மற்றும் அலுவலர்கள் பங்கேற்றனர்.