குழந்தைகளுக்கு புரோட்டீன் சத்தை சரியான அளவில் தரும் தாய்பால்

செவ்வாய்க்கிழமை, 1 நவம்பர் 2016      வாழ்வியல் பூமி
breastfeeding(N)

குழந்தைகளுக்கு தாய்பால் தான் தரவேண்டும் என்று, குழந்தை பெற்ற பெண்களுக்கு அவர்களது தாய்மார்கள் எடுத்து சொல்வதுண்டு. இது தங்கள் அழகை கெடுத்துவிடும் என நினைத்து பல பெண்கள், தங்கள் குழந்தைகளுக்கு பால் தர மறுக்கின்றனர்.

தாய்பாலில் அப்படி என்னதான் சத்துக்கள் உள்ளன என்று குழந்தை பெற்ற எல்லா பெண்களுக்கும் தெரிந்து வைத்துள்ளனரா? என்றால் ஒரு சிலர் இல்லை என்றே சொல்லுவர். தாய்பால் குழந்தைக்குத் தேவையான சத்துக்களை எப்படி ஈடு செய்கிறது? ஒரு குழந்தைக்கு தாய்பால் பற்றாக்குறைகூட ஏற்படுமா? என்கிற கேள்விகளுக்கு சென்னை இசபெல்லா மருத்துவமனையில் பணிபுரியும் நியோ நேட்டால ஜிஸ்ட் மருத்துவர் சுப்பிரமணியன் இவ்வாறு பதில் அளிக்கிறார்.

தாய்பாலில் மட்டும் தான் பச்சிளம் குழந்தைக்குத் தேவையான கால்சியமும், பாஸ்பரசும் 2 : 1 என்கிற விகிதத்தில் உள்ளது. இதுதான் குழந்தைக்கு சரியான அளவுகோல். பசும் பாலில் பாஸ்பரஸ் அதிகமாக இருக்கும். ஆனால் அது கால்சியத்துடன் இணைந்து சால்டாக மாறிவிடும். எனவே பசும்பாலில் உள்ள கால்சியம் பச்சிளம் குழந்தைகளுக்குப் பயன்படாத கால்சியமாகவே இருக்கிறது. அது போலத்தான் பசும்பாலில் கேசின் வே (caesin-whey) புரோட்டீன் தான் இருக்கிறது.

பச்சிளம் குழந்தைக்குத் தேவையானதோ 'வே' (whey) புரோட்டீன். இந்த 'வே' (whey) புரோட்டீன் தாய்பாலில் மட்டும்தான் உள்ளது. இந்த புரோட்டீன் தான் பச்சிளம் குழந்தைகளுக்கு பொருத்தமான வகை புரோட்டீன். பசும்பாலில் இப்படி பச்சிளம் குழந்தைகளுக்கு தேவையான சத்துக்கள் எதுவும் சரிவிகிதத்தில் இல்லாததனால் பச்சிளம் குழந்தையின் மெத்தென்ற குடலில் அலர்ஜி உண்டாகும். இதனால் வயிற்றுப்போக்கு ஆகும்.

மலத்தில் கண்ணுக்குத் தெரியாமல் பிளீடிங் கூட ஆகும். தாய்பாலால் குழந்தைக்கு மேற்சொன்ன பிரச்சனைகள் எதுவும் வராது. தாய்பாலில் உள்ள மைக்ரோ நியுட்ரிஷியன்ஸ் குழந்தைக்குத் தேவையான இன்பெக்ஷன் எதிர்ப்புச்சக்தியைத் தரும். தாய்பால் குடிக்கும் குழந்தைக்கு வயிற்று வலிவருவதற்கான வாய்ப்புக்கள் மிக, மிக குறைவு. பசும்பால் குடிக்கும் குழந்தைகளுக்கு வயிற்றுவலி வருவதற்கான வாய்ப்புகள் மிக, மிக அதிகம். வேலைக்குப்போகும் தாய்மார்கள் குழந்தைக்கு தாய்பால் கொடுப்பது எப்படி ?

குழந்தை பிறந்து மூன்று மாதங்கள் வரை தாய்க்கு அலுவலகத்திலிருந்து கட்டாய ஓய்வு தேவை. தவிர இந்த மூன்று மாதகால அவகாசம் குழந்தைக்கு தாய்பால் முழுமையாக கொடுக்கவும் பயன்படுகிறது. அதன் பின் தாய் ஒரு வாரம், பத்துநாளில் வேலைக்குப் போக வேண்டும் என்றால், தாய்பாலை முன் கூட்டியே எடுத்து வைத்து விட்டால் நான்கு மணி நேரம் வரை அந்த பாலை குழந்தைக்கு கொடுக்கலாம். குளிர்சாதன பெட்டியில் பத்திரமாக வைத்தால் 7 முதல் 10 நாள் வரை தரலாம். தாய்பாலை குளிர்சாதன பெட்டியிலிருந்து வெளியில் எடுத்து வைத்து, அது அறையின் சீதோஷன நிலைக்கு சரியாக வந்தவுடன் கரண்டி அல்லது பாலாடையில், குழந்தைக்குப் புகட்டலாம்.

கண்டிப்பாக பாட்டில் பழக்கப்படுத்தாதீர்கள். அப்படி பாட்டிலில் கொடுத்தால் காது வலி, அல்லது டயரியா வருவதற்கான வாய்ப்புக்கள் அதிகம். குளிர்சாதன பெட்டியில் அல்லது பிரீஷரில் வைத்திருக்கும் பாலை எடுப்பதற்குள் குழந்தை அழுகிறதென்றால் எப்படி உடனடியாக பால் ஊட்டுவது? ஒரு பாத்திரத்தில் தண்ணீரை கொதிக்கவைத்து அடுப்பை அணைத்து விடுங்கள். ஒரு சின்ன கிண்ணத்தில் தாய்பாலை விட்டு, அதை கொதிக்கும் தண்ணீர் உள்ள பாத்திரத்தின் உள்ளே வைத்துவிடுங்கள். பால் வெது, வெதுப்பான நிலைக்கு வந்தவுடன் பாலை குழந்தைக்குப் புகட்டுங்கள். அலுவலக நேரங்களில் கூட, தாய்மார்கள் மார்பகத்தில் ஊறியிருக்கும் தாய்பாலை பம்ப் செய்து எடுத்து அலுவலக குளிர்சாதன பெட்டியில் வைத்து பின் வீட்டில் எடுத்து வந்து வைக்கலாம். எச்சரிக்கை: தாய்பாலை நேரடியாக சூடு செய்யக்கூடாது. தாய்பால் இல்லை என்கிற குற்றச்சாட்டு சரியானதா ?

ஒரு பெண்ணிடம் தாய்பால் போதுமான அளவு சுரப்பு இல்லை என குற்றம் சுமத்த முடியாது. குழந்தைக்கு தவறான நிலையிலிருந்து பாலூட்டினாலோ, நிப்புள் வலிக்கும் படியாக வெறும் நிப்புளை மட்டும் குழந்தையின் வாயில் வைத்து பாலூட்டினாலோ, தாய்க்கு தாய்பால் ஊறாது. இதற்கு சரியான ஆலோசனை பெற்று, தாய்பால் புகட்டினால் கண்டிப்பாக தாய் பால் ஊறும். தாய்பால் போதுமானதாக இல்லை என்றால் மருத்துவர்கள் அவ்வளவு சீக்கிரம் ஒரு பெண்ணுக்கு தாய்பால் ஊற மருந்துகள் பரிந்துரைப்பதில்லை. உணவின் மூலமே இயற்கையாக தாய்பால் ஊறுவதே சரி. உண்மையில் தேவைப்பட்டால், நம் உணவையே மையமாகக் கொண்ட சித்த ஆயுர்வேத மருந்துகளை பரிந்துரைப்பார்கள். தாய்பாலில் இல்லாத சத்துக்கள் ஏதேனும் உண்டா ஆம். ஒரு குறை உண்டு. தாய்பாலில் வைட்டமின் 'டி' இல்லை என்பது இரண்டு வருடத்திற்கு முன் நிரூபிக்கப்பட்ட ஆராய்ச்சி உண்மை. எனவே குழந்தை பிறந்த உடனே வெறும் வைட்டமின் 'டி' சொட்டு மருந்தும் தரவேண்டும். குழந்தை பெற்ற பெண்களும் இதை  கேட்டு வாங்க வேண் டும்.

நமது நாட்டு சீதோஷண நிலையில் தான் வெயில் அதிகமாயிற்றே. நமக்கு இயற்கையாகவே வைட் ட மின் டி கிடைக்குமே என நீங்கள் நினைத்தால் அது தவறு. நமது கருந்தோல் அவ்வளவு விரைவில் வைட் டமின் “டி”யை உள்வாங்கும் தன்மை வாய்ந்ததாக இல்லை என்பதுதான் உண்மை. ஒரு தாய்க்கு வைட்டமின் டி பற்றாக்குறையாக இருந்தால், குழந்தைக்கும் வைட்டமின் டி பற்றாக்குறையாகத்தான் இருக்கும். எனவே குழந்தை பிறந்த உடனே வைட்டமின் டி சொட்டு மருந்தும் கொடுத்துப் பழக்க வேண்டும்.

Seema Raja - Movie Review | Sivakarthikeyan | Samantha | keerthy suresh

Seema Raja | Public Review Opinion | சீமராஜா திரைப்படம் ரசிகர்கள் கருத்து

Kozhukattai Recipe in Tamil | Modak Kolukattai Recipe in Tamil | Pooranam Recipe | Sweet Kolukattai

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்: