பழவேற்காட்டில் நீதியரசர்.சேதுமுருகபூபதி முன்னிலையில் மனித உரிமை பிரகடன விழா

திருவள்ளூர் மாவட்டம்,பழவேற்காடு அடுத்த வைரவன்குப்பம் கிராமம் அரசு துவக்க பள்ளியில் தேசிய மக்கள் நேயம் நுகர்வோர் உரிமை பாதுகாப்பு இயக்கம் சார்பில் மாநில மற்றும் திருவள்ளூர் மாவட்ட மனித உரிமை பிரகடன விழா நடைப்பெற்றது.திருவள்ளுர் மாவட்டத்தலைவர் வைரவன்குப்பம் எ.கனகராஜ் தலைமையில் தேசிய பொதுச்செயலாளர் டாக்டர்.பி.சுந்தரேசன் நிகழ்ச்சியை துவக்கி வைத்து சிறப்புரையாற்றினார். மண்டல தலைவர் தட்சிணாமூர்த்தி தொடக்கவுரையாற்றினார்.சிறப்பு விருந்தினராக கலந்துக்கொண்டு பேசிய தலைமை குற்றவியல் நீதிபதி,புதுவை தமிழ்சங்க சிறப்புத்தலைவர் நீதியரசர்.மாண்பமை சேதுமுருகபூபதி ‘இந்த உலகில் மனித நேயம் தலைத்து ஓங்கவும்,மனித உரிமை போற்றி பாதுகாப்படவும்’ விளக்கம் அளித்தார். மேலும் 63 நாயன்மார்களில் ஒருவரான மீனவ சமூகத்தைச் சேர்ந்த ஆதிபத்து நாயனார் பற்றி விளக்கி கூறினார்.இந்த நிகழ்ச்சியில் இயக்க நிர்வாகிகள் ருசேந்திரபாபு,ஜீவரத்தினம்,கோதண்டராமன்,குணசேகரன்,சந்துரு,கர்நாடக மாநில நிர்வாகிகள் முரளி,பழனி,வைரவன்குப்பம் ஞானமூர்த்தி மற்றும் திருவள்ளுர் மாவட்ட நிர்வாகிகள்,பழவேற்காடு பகுதி நிர்வாகிகள்,காஞ்சிபுரம் மற்றும் தென்சென்னை மாவட்ட நிர்வாகிகள் நூற்றுக்கும் மேற்பட்டோர் இதில் கலந்துக்கொண்டனர்.மனித நேயர் சிவகுமார் நன்றி கூறினார்.